MIKHA 1:8 - KITTA KAREBA MADECENG

⁸ Rimakkuwannanaro iyya, Mikha, messé ati sibawa maddaréké. Maéloka joppa temmappakéyang sibawa temmassandala untu' mappaitangngi pékkugi messéna atikku. Maéloka mabbokka pada-pada asu ale'é sibawa kelli-kelli pada-pada manu'-manu' untaé.

MIKHA 1:8 ပူးပေါင်းရင်းမြစ်များ

2 ARUNG-NGARUNG 18:13

Ri laleng taung maseppuloé eppa apparéntanna Hizkia arunna Yéhuda, kota-kotana Yéhuda iya mabbénténgngé nagasai sibawa nacaui Sanhérib, arung Asyur.

ESTER 4:1

Wettunna naéngkalinga Mordékhai aga pura kajajiyang, nasapé'ni pakéyanna napaké kaing karung selaku tanrang masussa. Nagugurini awu ulunna, najoppa ri kotaé naterito sibawa macenno nenniya masé.

AYUB 30:29

Messé saddakku penno kasiyang pada-pada terinna asu ale'é sibawa manu'-manu' untaé.

MAZMUR 102:6

Maddarékéka sibawa macenno; watakkaléku oli mani nadoko buku.

YESAYA 13:21

Iyaro onrongngé naonroiwi matu olokolo maliyaé. Massarangngi matu kacoci'é risining bolana mennang, sibawa manu'-manu' untaé monroi matu kuwaro. Kanja-kanjai matu bémbé-bémbé liyaé ri yelle ruttungenna.

YESAYA 13:22

Bokkana asu ale'é sibawa sarigalaé maddalenrungngi matu polé risining bénténgngé sibawa sining saorajana Babél. Wettu ancurukenna mawé'ni narapi sibawa wettunna dé' naripasorona.”

YESAYA 16:9

Makkekkuwangngé uteringini pong anggoro'na Sibma pada-pada uteringinna Yaézer. Mabbarébé uwai matakku untu' Hésybon sibawa Eléalé, nasaba wassélé tanana cappui nanré balié.

YESAYA 21:3

Iyaro pakkitangngé naébbuka malippu angkanna dé' uwulléi makkita iyaré'ga maréngkalingana. Métauka sibawa mapeddi, pada-pada séddié makkunrai iya mattengngangngé mémmana.

YESAYA 22:4

Aja' mujampangika; leppessakka watingiwi sining tau polé ri bangsaku iya matéénna. Aja' mucobai saléworika.

YESAYA 32:11

Lettu makkekkuwangngé tuwoko mannyamen-nyameng, leppe polé ri asussangngé. Iyakiya makkekkuwangngé, ténréno nataro tau! Ludungngi pakéyammu namusiyoi kaing karung babuwamu.

YEREMIA 4:19

Temmaka anrasa-rasana atikku, dé'na utahang manrasa-rasa. Dé' uwulléi pattennangngi alé maddumba-dumba aroku, saba' uwéngkalingai moni tarompé'é, sibawa mango kelli musué.

YEREMIA 9:1

Temmaka kessinna rékko ulukku pada-padai bujung iya pennoé uwai, sibawa matakku jompi iya matterué massolo! Nauwulléi teri esso sibawa wenni, watingiwi sining tau sibangsaku iya riyunoé ri balié.

YEREMIA 9:10

Iyya, Yérémia, makkeda, “Maéloka teri sibawa mabbarata nasaba padang wellaé ri padang kessi'é sibawa risining bulué iya marakko makarossaénna enrengngé dé' naolai tauwé. Oni olokolo'é dé'na napaéngkalinga, manu'-manu' sibawa olokolo laingngé larini sibawa lennye'ni.”

YEREMIA 9:19

Ri Sion paéngkalingai sadda terié, “Binasaki sibawa ripakasiri senna. Wanuwatta harusu'i risalai, sining bolata ancuru'ni tassiya-siya.”

YEHEZKIEL 32:18

“Eh tolino dé'é namannennungeng, abbaratano untu' ra'ya'é ri Maséré. Kiringngi mennang lao ri linona tau maté silaong sibawa wanuwa-wanuwa mawatang laingngé.

MIKHA 2:4

Napakéi matu tauwé totomu selaku bahang assindirikeng, sibawa naébbui matu mennang élong abbaratangngéwé, ‘Purani nasittai Puwangnge wanuwattaé sibawa mabbéréyangngi lao ri iya méwaékki. Ancuru sisekki.’ ”

1 SAMUEL 19:24

Lettu'nana kuwaro, naludunni pakéyanna naséré-séré sibawa gora-gora ri yolona Samuél, nainappa léwu ri tanaé mallusu-lusu puppu esso sibawa puppu benni. (Iyanaé assalenna warékkada makkedaé, “Mancaji nabi towiga Saul?”)