MIKHA 1:7 - KITTA KAREBA MADECENG

⁷ Dato-dato'na iya mangke'é Uwancuru'i matu, sibawa tungke' barang iya riwéréngngéngngi sining makkunrai iya majjamaé ri bola-bola déwataé ritunui matu, enrengngé sininna barahalana ripabbinasai. Iyaro barab-barangngé iyanaritu wassélé assompanna lao ri déwata acommokengngé. Makkekkuwangngé iya manennaro ritiwii matu risining balinna untu' pakkasuwiyang sukkuru lao ri déwata-déwatana.”

MIKHA 1:7 ပူးပေါင်းရင်းမြစ်များ

2 TAWARIKH 31:1

Puranana ramé-ramé, sininna ra'ya'é laoni ritungke kotaé ri Yéhuda, nainappa naancuru tugu-tugu barahalaé, léttungngi dato-dato iya ripatettongngé untu' Déwi Asyéra, sibawa paccappui sining mézbaé enrengngé sining onrong assompang barahalaé. Napogau' towi mennang makkuwaéro risining onrong laingngé ri Yéhuda, enrengngé ri daéra Bényamin, Efraim sibawa Manasyé. Purairo lisu manenni mennang ri onronna tungke-tungke.

YESAYA 2:18

Teddéng sisengngi matu sining barahalaé.

YESAYA 23:17

Labe'nana iyaro pituppuloé taung, naéngngerangngi matu Puwangnge Tirus sibawa pakkulléi pogau'i jama-jamanna riyolo. Dangkangngi matu sibawa sininna akkarungengngé ri tompo'na linoé.

YESAYA 27:9

Iyakiya dosa-dosana Israélié banna weddingngi riyaddampengeng rékko rilélui gangka alusu mézba déwata-déwataé pada-pada puwalé. Sininna addupa-dupangngé sibawa lambanna Déwi Asyéra harusu towi riancuru.

YEHEZKIEL 6:6

Ripaccappui matu sininna kotana Israélié, sininna mézbana sibawa barahalana ancuru'i tassiya-siya, sining addupa-dupanna tessiyomporeng, sibawa sininna aga iya naébbué teddéngngi matu.

HOSEA 2:12

Upaccappui matu sining pong anggoro'é sibawa sining pong ara iya siturué aléna iyanaritu sarona attumaningenna lao risining canrinna. Upinrai matu sining palla anggoro'na sibawa sining palla arana mancaji ale'; nasolangiwi matu sining olokolo masekkangngé.

HOSEA 2:14

Makkedai Puwangnge, “Rimakkuwannanaro maélo-Ka tiwii lao ri padang kessi'é; kuwaniro Upalécé matu sibawa ada-ada assicintang.

HOSEA 2:5

Cakkuribang indo'mu iya dé'é naissengngi masiri. Makkedai, ‘Maéloka lao risining canrikku iya mpéréngngékka inanré sibawa énungeng, wol sibawa kaing lénang, minnya zaitun sibawa anggoro.’

HOSEA 8:5

Ucéccé saping ulaweng iya nasompaé pabbanuwana kota Samaria. Macai senna'ka lao ri mennang. Gangka uppanna mennang maélo matteru carépaiwi aléna sibawa massompa barahala?

HOSEA 8:6

Saping ulaweng iya nasompaé ri Samariaro iyanaritu ébbuna sining panré ri Israélié! Tenniya Allataala iyaro, na harusu'i riyancuru!

YOEL 3:3

Naundiwi mennang untu' pattette'i niga lolongengngi matu sining tawangengngé. Nabalu'i mennang ana'daraé sibawa kalloloé untu' ripancaji ata. Na ellinna napakéi mennang untu' maccakkuribang sibawa untu' ménung anggoro.

ANGIMANGENG 26:30

Maélo-Ka mancuru'i sining onrong assompammu ri tompo'na bulu-bulué, ruttungngi sining mézbamu onrong mattunu dupa, sibawa maggenrungengngi sining bakkému ri yasé'na sining abbarahalammu iya maruttungngénnaro. Nasibawang pappénedding maja

ULANGENG 23:18

Makkuwatoro dowi iya nalolongengngé selaku wassélé accakkuribangenna dé' nawedding ritiwi ri Bolana Puwang Allataalamu untu' makkamaja tinja, saba' nabenci Puwang Allataalamu cakkuribangngé ri bola-bola assompangngé sibawa saro accakkuribangengngé.

ULANGENG 9:21

Dato'-dato' saping bessi ébbumu, uwaggenrungengngi muttama ri laleng apié. Nainappa uwancuru sibawa utettu narapi alusu pada-pada awué, na iyaro awué uwaggenrungengngi ri lalenna ana' saloé iya massolo'é polé ri buluéro.

WAHYU 18:3

Saba' sininna bangsaé purani naénung anggoro napessu appangaddinna. Sining arunna linoé siappangaddingngi, sibawa sining padangkangngé ri linoé mancaji sugii polé ri napessunna iya dé'é narikuwasairo.”

WAHYU 18:9

Sining arung linoé iya maccowéé ri laleng sining pangkaukeng appangaddingngé sibawa napessunna makkuwaéro nateringiwi matu sibawa nawatingiwi kotaéro rékko naitai mennang mallaso rumpué polé ri api iya paangurengngé.

1 SAMUEL 5:4

Iyakiya pappa bajana éléé, naitani mennang makkedaé iyaro dato'-dato'é sempé'si ri yolona Petti Assijancingngéro. Iyaé sisengngé ulunna iyaro dato'-dato'é sibawa iya duwa taiyyana malétta'i sibawa lénne ri sumpangngé; banna watakkaléna iyaro dato'-dato'é iya makkalépué mupa. (