MIKHA 1:6 - KITTA KAREBA MADECENG

⁶ Iyanaro saba'na namakkeda Puwangnge, “Upancajiwi matu Samaria goppo ruttungeng ri padangngé, sibawa onronna tauwé mattaneng pong anggoro. Ruttungenna kotaéro Uwabbéyangngi matu ri laleng lompo'é, sibawa Ubongkara'i sining pandaménna.

MIKHA 1:6 ပူးပေါင်းရင်းမြစ်များ

2 SAMUEL 17:13

Rékko lariwi ri laleng séddié kota, sininna ra'ya'ta malai matu tulu nanassarénréngengngi iyaro kotaé nainappa napasempé ri laleng lompo iya macawé'é. Muwi séddi batu dé'to matu monro ri tompo'na bulu-buluéro.”

2 ARUNG-NGARUNG 18:10

Rikeppunnana telluttaung ittana, sempé'ni Samaria. Iyaro kajajiyangngi ri taung maennengngé apparéntanna Hizkia, sibawa taung maaséraé apparéntanna Hoséa.

2 ARUNG-NGARUNG 18:9

Ri taung maeppaé apparéntanna Hizkia, iyanaritu taung mapitué apparéntanna Arung Hoséa ri Israélié, Salmanéser arung Asyur gasai Israél sibawa keppungngi Samaria.

2 ARUNG-NGARUNG 19:25

Dé'paga naengka muwéngkalingai makkedaé iya manennaro pura Urancanani riyolopa nariyolo? Na makkekkuwangngé Upogau'ni. Iyya ritu mpérékko akuwasang untu' mancuru'i kota-kota mabbénténgngé mancaji ruttungeng.

YESAYA 17:1

Makkedai Puwangnge, “Dé'na namaddupa kotana Damsyik, iyakiya banna goppo ruttungeng.

YESAYA 25:12

Sining bénténna Moab silaong sining témbo'na iya matanré Naruttungngi matu sibawa Naggeppuwangngi ri tanaé angkanna ancuru pada-pada awué.

YESAYA 25:2

Purani Muancuru iyaro kotaé; iyaro kota mabbénténgngé mancajini ruttungeng. Saoraja iya napatettongngé tau laingngé ancuru'ni, sibawa dé' naripatettonna untu' mannennungeng.

YEREMIA 31:5

Bukkako matu dare anggoro ri buluna Samaria, sibawa iya mattanengngé nacéppui towi matu buwana.

YEREMIA 51:25

Eh Babél, pada-padako bulu iya mancuru'éngngi sininna linoé. Iyakiya Iyya, Puwang, méwako matu. Ugettekko matu sibawa Ugalétté enrengngé Uleppessang ritunu mancaji awu.

YEREMIA 51:37

Mancaji aggoppong ruttungengngi matu iyaro wanuwaé, onronna massubbu asu ale'é. Maséleng tauwé mitai, sibawa dé' muwi séddi tau maélo monro kuwaro.

YEREMIA 9:11

Makkedai Puwangnge, “Upancajiwi matu Yérusalém ruttungeng onronna massubbu asu ale'é. Kota-kotana Yéhuda mancaji masino-sinoi matu, onrong iya dé'énna nariyonroi.”

AWATINGENG 4:1

Ulaweng iya lala'-lala'é mancaji massalawuni batu-batunna Bolana Allataala tattale'ni ri lalengngé.

YEHEZKIEL 13:14

Manniya'-Ka untu' ruttungngi témbo iya mupuwaléiyéro, mancuru'i angkanna pandaménna mani monro bawang. Iyaro témbo'é pageppai matu sibawa mpuno manekko. Namuwissengngi matu makkedaé Iyya ritu Puwang.

AMOS 5:11

Mutenre'i tau kasiyasié sibawa murampasa'i gandonna. Rimakkuwannanaro dé' muwonro matu ri laleng sining bolamu iya magelloé, iya puraé mupatettonro. Dé' matu muwénung anggoro polé ri palla-palla anggoro iya mutanengiyé.

AMOS 6:8

Nasibawang ateddekeng Puwang Allataala Iya Pommakuwasaé sibawa Pommatanré pura mabbéréyangngi iyaé papparéngngerangngé, “Ucéccé atemponna umma Israélié; dé' Umasennang sibawa sining saorajana iya magelloé. Ibukotana mennang silaong sininna iya engkaé ri lalenna Uwabbéréyangngi matu lao ri balié.”

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

HABAKUK 3:13

Majjongkako malluru untu' paleppe'i umma'-Mu sibawa untu' passalama'i arung Mupilé. Muwunrui gangkanna mabuwang pamimpinna tau madorakaé, Musaringngi gangka cappu sininna tomaccowériyéngngi.

MATIUS 24:2

Nakkeda Yésus lao ri mennang, “Muwitaga iya manennaro? Issenni, dé'gaga muwi séddi batu polé ri bolaéro monro matu tassusung ri onronna. Iya manennaro riruttungngi matu.”