MIKHA 1:5 - KITTA KAREBA MADECENG

⁵ Iya manennaro kajajiyangngi matu nasaba madosai sibawa maronta'i tau Israélié lao ri Allataala. Niga nassabariwi namadosa Israélié? Tenniyaga Samaria ibukotana muto? Niga nassabariwi nassompa barahala Yéhuda? Tenniyaga Yérusalém muto?

MIKHA 1:5 ပူးပေါင်းရင်းမြစ်များ

1 ARUNG-NGARUNG 11:7

Ri tompo bulu seddé alauna Yérusalém, patettongngi onrong assompang untu' Kamos, déwatana tau Moab-é, sibawa untu' Molokh, déwatana tau Amongngé – iya duwanna déwata iya mappakaciddi-ciddi'é.

1 ARUNG-NGARUNG 13:32

Aga iya puraé napowada nasaba paréntana Puwangnge lao ri mézbaé ri Bételro sibawa lao ri sininna onrong assompangngé ri kota-kota Samaria pasti kajajiyangngi.”

1 ARUNG-NGARUNG 16:24

Iyakiya ri munri melliwi séddi bulu ellinna 6.000 dowi péra' polé riséddié tau riyasengngé Semér. Nainappa patettong séddi kota ri buluéro sibawa masengngi Samaria, situru asenna Semér, punnana riyolo iyaro bulué.

2 TAWARIKH 34:3

Genne'nana 8 taung mancaji arung, ri umuru iya malolo senna'é, mappammulani Yosia massompa ri Allataala iya nasompaé Arung Daud toriyolona. Patattaung rimunrinna mappammulani mancuru'i sining onrong assompang barahalaé, dato'-dato'na Déwi Asyéra, sibawa sining barahala laingngé.

2 TAWARIKH 34:4

Iyaro dato'-dato'é sibawa sining barhalaé naancuru'i ana' buwana Yosia nainappa nampo mennang barubbuna ri yasé'na kuburu'na sining tau iya makkasuwiyangengngéngngi akkarobangeng laowé risining barahalaéro. Mézba-mézba Baal sibawa mézba-mézba dupa iya engkaé kuwaro naruttungngi mennang.

YESAYA 7:9

Dé' nalebbi watang Israélié naiya Samaria, ibukotana, na Samaria dé' nalebbi watang naiya Arung Pékah. Rékko dé' mutonget-tongeng mateppe ri alé-Ku, pasti dé' mulléi tahang.”

YEREMIA 2:17

Iko muto nassabariwi sininna iya kajajiyangngé ri alému, nasaba wettummu Udulung ri laleng allalengengngé, muwabbokori-Ka, Puwang Allataalamu.

YEREMIA 2:19

Jamu muto hukkungngi alému, risissako nasaba musampéyak-Ka, Allataalamu. Makkekkuwangngé pérasani temmaka paina sibawa pesséna rékko muwabbokori-Ka sibawa dé' mupakalebi-Ka. Iyya, Puwang Allataalamu pura mabbicara; Iyya ritu Puwang Allataala Iya Pommatanré sibawa Pommakuwasaé.”

YEREMIA 23:13

Purani Uwita dosa-dosana nabi-nabi Samariaé. Mabbicarai mennang ri laleng asenna Baal, sibawa papusai umma Israélié, umma'-Ku.

YEREMIA 23:14

Iyakiya ri Yérusalém Uwitai nabi-nabié pogau'i iya lebbi majaéppasi. Mabbelléi mennang sibawa malaweng, enrengngé nasokongngi tau iya pogau'éngngi majaé, angkanna dé' muwi séddi tau maélo toba'. Untu' Aléku maja manengngi mennang pada-padai pabbanuwana Sodom nenniya Gomoro.”

YEREMIA 4:18

Yéhuda, iko muto ritu papoléi iyaro abalaé ri yasé'mu. Cara atuwommu sibawa sining pangkaukemmu nassabariwi sininna anrasa-rasangngéro natoddo'i atimmu.

YEREMIA 5:25

Iyakiya dosa-dosamu ritu iya lawa-lawai manengngéngngi makessingngéro angkanna dé' mupéneddingiwi.

YEREMIA 6:19

Pénessaiwi, éh lino! Dé' namaélo umma'-Ku tarimai pappagguruwak-Ku sibawa dé' naturu ri Iyya. Selaku addimonrinna rancanganna mennang papolé-Ka abala ri yasé'na.

AWATINGENG 5:16

Dé'ni gaga abangkaketta, macilakaki nasaba madosaki.

YEHEZKIEL 16:46

Kakamu iyanaritu Samaria ri manorang sibawa sininna désana. Sibawa anrimmu iyanaritu Sodom ri yattang silaong sininna désana.

HOSEA 7:1

Makkedai Puwangnge, “Sises-siseng macinna-Ka pajjappai umma'-Ku Israélié sibawa palisui keadaanna mennang, na iya Uwitaé banna jana sibawa dosana. Sisulléi mennang sibengnguwang, nauttamakiwi mennang bolana tauwé untu' ménnau, sibawa maddampo'i mennang risining lalengngé.

AMOS 6:1

Macilakono iko tuwoé mannyamen-nyameng ri Sion, sibawa iko iya marasa amangngé ri Samaria – iko éh sining pamimpinna masyaraka bangsa Israél iya poréwé, iko iya biyasaé rilokkai ri ra'ya'é untu' méllau pattulung!

AMOS 7:9

Onrong-ngonrong iya napaké wijanna Ishak untu' massompa riyancuru'i matu. Onrong-ngonrong mapaccinna tau Israélié riruttungngi matu. Upaccappui matu wijanna Arung Yérobéam.”

AMOS 8:14

Sining tau iya mattanroé nasabbing barahalana Samaria sibawa makkeda, ‘Nasabbing déwatana bangsa Dan’, iyaré'ga ‘Nasabbing Déwatana Bérsyéba’ – menrungngi matu sibawa dé'na natokkong paimeng.”

MIKHA 1:13

Iko ritu pabbanuwana Lakhis, pasanno anyarang ri karéta musué! Muturui dosa-dosa iya ripogau'é ri Israélié angkanna nassabariwi muwi Yérusalém madosato.