MIKHA 1:4 - KITTA KAREBA MADECENG

⁴ Maccolo sining bulué ri yawana palakajé-Na pada-pada lilingngé ri laleng api iya malluwa'é; maili tanana muttama risining lompo'é, pada-pada uwai ri tompo'na bulu-bulu massolo liyawa.

MIKHA 1:4 ပူးပေါင်းရင်းမြစ်များ

MAZMUR 46:6

Monroi Allataala kuwaro, nadé' naancuru iyaro kotaé; Natulungngi matu wettunna masiya' éléé.

MAZMUR 68:2

Tokkongngi Allataala patassiyasiyai balin-Na, tau iya céccééngngi Aléna lariwi polé ri yolo-Na.

MAZMUR 97:5

Maccolo sining bulué pada-pada lilingngé ri yolona Puwangnge, ri yolona Puwangnge, makuwasaéngngi sininna linoé.

AMOS 9:5

Taggottangngi linoé namasara pabbanuwana, nasaba nagéssai Puwang Iya Pommatanré sibawa Pommakuwasaé. Pada-pada Salo Nil noté uwaina makkuwaniro mennang ménré nainappa sempé.

NAHUM 1:5

Ténréi sining bulué ri yolo-Na; sibawa bulu-bulué mancaji maccolo manengngi. Rékko mallurui Puwangnge, tatténréng linoé, ténré linoé sibawa sininna pabbanuwana.

HABAKUK 3:10

Naita-Mu, taggottang sining bulué polé ri langié nonnoi bosié pada-pada ritiri'é. Mangoro oninna uwai ri yawana tanaé, mallulung bombangngé sibawa mangappo.

HABAKUK 3:6

Rékko mappésau-Ko, tatténréng linoé; rékko makkita-Ko, maséleng bangsa-bangsaé. Mapuwé-puwé sining bulu mannennungengngé; bulu-bulu mannennungengngé mariyawato, ri bulu-buluénnaro joppa-Ko sipongenna wettu riyolo.

ZAKHARIA 14:4

Iyaro essoé tettongngi matu ri Bulu-bulu Zaitun, ri seddé alauna Yérusalém. Naripuwé matu Bulu-bulu Zaitun ri lompo iya malowangngé, mappammulai ri alau lettu ri yajang. Sitengngana polé ri bulu-buluéro kédoi matu lao ri manorang, na sitengnganasi liyattangngi.

WAHYU 20:11

Purairo uwitani séuwa kadéra arajang puté iya battowaé sibawa Aléna iya tudangngé ri yasé'na. Lennye'i langié sibawa linoé polé ri yolo-Na, angkanna dé'na napaitana.

HAKING-HAKING 5:4

Wettum-Mu joppa polé ri Séir, oh Puwang, sibawa Musalai daérana Edom, ténré tanaé, tattimpa towi sépe-sépe'na langié, sibawa sining ellungngé tiri'i uwaina.