MIKHA 1:2 - KITTA KAREBA MADECENG

² Engkalingai, éh bangsa-bangsa! Pénessaiwi, éh pabbanuwana sininna linoé! Poléi Puwang Iya Pommatanré selaku sabbi méwa manekko! Engkalingai Aléna mabbicara polé ri Bola-Na iya mapaccingngé ri surugaé.

MIKHA 1:2 ပူးပေါင်းရင်းမြစ်များ

1 ARUNG-NGARUNG 22:28

Nakkeda Mikha, “Rékko lisui Datu sibawa salama, bettuwanna dé' nabbicara Puwangnge naolaka! Sininna iya hadéré'é kuwaé mancaji sabbi.”

2 TAWARIKH 18:27

Nakkeda Mikha, “Rékko lisui Datu sibawa salama, bettuwanna dé' nabbicara Puwangnge naolaka. Sininna iya engkaé hadéré kuwaé mancaji sabbi.”

MAZMUR 11:4

Engkai Puwangnge ri Bola-Na iya mapaccingngé, kadéra akkarungen-Na engkai ri surugaé. Najagaiwi rupa tauwé sibawa missengngi sininna pangkaukenna mennang.

MAZMUR 24:1

Mazmurna Daud. Appunnangenna Puwangnge linoé lollong lise'na, linoé sibawa sininna iya monroiyéngngi.

MAZMUR 28:2

Engkalingai paréllaukku rékko goraka méllau tulung, sibawa makkai limakku mattuju ri Bola-Mu iya mapaccingngé.

MAZMUR 50:1

Mazmurna Asaf. Puwang, Allataala Iya Pommakuwasaé mabbicara; mangobbii lao ri sininna linoé polé ri alau lettu ri yajang.

MAZMUR 50:12

Rékko malupu-Ka, dé' naparellu Upowadakko, saba' linoé lollong lise'na iyanaritu appunnangek-Ku.

MAZMUR 50:7

“Engkalingai, umma'-Ku, maélo-Ka mabbicara, Israél, maélo-Ka mabbéré asabbing lao ri iko; Iyya'naé Allataala, Allataalamu.

AMSAL 8:4

“Eh, rupa tauwé, lao ri iko mangobbika; tungke tuwoé ri linoé, puriyatiwi paréllaukku!

YESAYA 1:2

Engkalingai éh langi, pénessaiwi éh lino! Makkedai Puwangnge, “Ana'-ana' iya puraé Upiyara maronta'i lao ri Iyya.

YESAYA 18:3

Eh, iko maneng iya monroiyéngngi linoé! Pénessaiwi rékko ripaénré'i bandérana ri tompo'na sining bulué! Engkalingai rékko ripaoniwi tarompé'é!

YESAYA 50:7

Saba' Puwang Allataala tulukka, na dé' naripakasirika. Upéwatangiwi atikku kuwammengngi nasabbara; uwisseng dé' naripakasirika matu.

YEREMIA 22:29

Eh wanuwakku, éngkalingai aga iya napowadaé Puwangnge,

YEREMIA 29:23

Makkuwaniro totona mennang nasaba purai napogau' dosa-dosa battowaé ri Israél: malawengngi mennang, sibawa napakéi asenna Puwangnge untu' curitai gau'-gau' iya dé'é natongeng. Iyaro siyéwai sibawa élona Puwangnge. Naisseng aga iya napogau'é mennang, sibawa aléna muto mancaji sabbi méwai mennang. Puwangnge pura mabbicara.”

YEREMIA 42:5

Makkedani mennang ri iyya, “Riyéllauwi Bapa' massempajang lao ri Puwang Allataalata, nasaba maéloki mapato lao ri Aléna, kuwammengngi namancaji makessing keadaatta. Jaji, makessing iyaré'ga maja iyaro pasenna Puwangnge, maéloki turusiwi. Leppessanni Puwangnge mancaji sabbi iya malempué nenniya matinulué lao ri idi, narékko dé' nariturusi maneng parénta iya nabbéréyangngé Puwangnge lao ri idi naolai Bapa'.”

YEREMIA 6:19

Pénessaiwi, éh lino! Dé' namaélo umma'-Ku tarimai pappagguruwak-Ku sibawa dé' naturu ri Iyya. Selaku addimonrinna rancanganna mennang papolé-Ka abala ri yasé'na.

YUNUS 2:8

Sining passompa barahala iya siya-siyaé, nasalai-Ko sibawa dé'na namatinuluna.

HABAKUK 2:20

Engkai Puwangnge ri laleng Bola-Na iya mapaccingngé; sitinajai sininna tauwé ri linoé mammekko ri yolo-Na.

MALEAKHI 2:14

Makkutanako magi dé' mumaélo tarimai. Nasaba naissengngi Puwangnge makkedaé dé' mumatinulu lao ri makkunrai iya mukawingiyé ri wettu malolomu. Iyaro makkunraié silaong atuwommu, iyakiya purani mubali'bellari, namuni purako majjanci ri yolona Allataala untu' tette matinulu lao ri aléna.

MALEAKHI 3:5

Adanna Puwang Iya Pommakuwasaé, “Polé-Ka matu ri iko untu' mangadéléki. Masitta'-Ka matu mancaji sabbi lao ri passéhéré'é, sining tau iya malawengngé, iya sabbi bellé-bellé, iya macéko-cékoé ri laleng pagajiwi tau napéssaroiyé, iya tenre'éngngi sining jandaé, ana' béué sibawa tau laingngé, lao risininna tau iya dé'é napakalebbi-Ka.”

ULANGENG 32:1

“Engkalingai éh langi, macinnaka mabbicara; éh lino, pasangngi daucculimmu!

WAHYU 2:11

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, dé' sises-siseng matu nanrasa-rasa agi-agi ri amaténg iya maduwaé.”

WAHYU 2:17

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é! Mennang iya pakalaé, Upalaloi matu manréi manna iya tassubbué, sibawa tungke'-tungke' tarimai matu polé ri Iyya séddi batu puté. Ri batuéro tarokii séddi aseng iya barué, iya dé'é naissengngi muwi niga, ri lainnaé tau iya tarimaéngngi.”

WAHYU 2:29

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'é!”

WAHYU 2:7

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'é! Mennang iya pakalaé, Upalaloi matu manréi buwa polé ri pong atuwongngé iya tuwoé ri laleng Tammenna Allataala.”

WAHYU 3:13

Nigi-nigi mulléi maréngkalinga, sitinajai napénessai aga iya napowadaé Rohna Allataala lao ri jema'-jema'é!”

WAHYU 3:22

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'-jema'é!”

WAHYU 3:6

Nigi-nigi mulléi maréngkalinga, sitinajai pénessaiwi aga iya napowadaé Rohna Allataala lao ri jema'-jema'é!”

HAKING-HAKING 11:10

Nappébali mennang, “Situjuki. Puwangnge ritu sabbinna.”