MIKHA 1:14 - KITTA KAREBA MADECENG

¹⁴ Makkekkuwangngé, éh tau Yéhudaé ateddéngekko matu kota Morésyét-Gat. Arung-ngarunna Israélié dé' matu nalolongeng bantuwanna polé ri kota Akhzib.

MIKHA 1:14 ပူးပေါင်းရင်းမြစ်များ

2 SAMUEL 8:2

Nacau towi Daud tau Moab-é. Nasuroi mennang léwu ri tanaé, nainappa nauno duwa tau ri yelle'na tellu tau. Jaji, tunru'ni tau Moab-é lao ri Daud sibawa makkamaja pakkasuwiyang lao ri aléna.

2 ARUNG-NGARUNG 16:8

Mala towi Ahas ulaweng sibawa péra' polé ri Bolana Puwangnge, enrengngé waramparanna saorajaé, nanakiringngi selaku hadiya lao ri arung Asyur-éro.

MAZMUR 62:9

Eh bangsaku, amménasako ri Allataala tungke wettu; loloni lise atimmu ri Aléna, saba' Aléna onrotta mallinrung.

YESAYA 30:6

Makkuwaniyé sining pasenna Puwangnge passalenna sining olokolo iya monroiyéngngi tana yattang, “Sining suroé patékériwi kaleddé'na nenniya untana mennang sibawa hadiya-hadiya, nainappa nalléttoi daéra iya pennoé abala iya naonroiyé singa, ula mamoso sibawa naga mappanni. Iyaro sining hadiyaé nakkasuwiyangengngi lao riséuwaé bangsa iya dé'é naulléi tulungngi mennang.

YEREMIA 15:18

Magi umatteru-teru bawang manrasa-rasa? Magi namasero loku sibawa teppudu-pudu sau? Makkatta-Koga pajuléika pada-pada salo iya mancaji marakkoé ri wettu timoé?”