MIKHA 1:10 - KITTA KAREBA MADECENG

¹⁰ Aja' muwappaissengengngi lao risining balitta ri Gat passalenna abalata; aja' muleppessangngi mennang mitako teri. Eh pabbanuwana Bét-Lé-Afra, aggaléluno ri laleng awué selaku tanrang pettu paddennuwang!

MIKHA 1:10 ပူးပေါင်းရင်းမြစ်များ

2 SAMUEL 1:20

Tennapodo sining tau Gat-é dé' naéngkalingai iyaro karébaé. Tennapodo lorong-loronna Askélon dé' nalolongeng karéba passalennaro. Aja' narapii makkunrai Filistingngé gora-gora aja' narapii makkunrai kapéré'é kelli-kelli marowa.

AYUB 2:8

Natudanna Ayub ri seddéna goppo warowoé, sibawa mala reppa pinceng untu' kakkangngi watakkaléna.

YEREMIA 6:26

Makkedai Puwangnge lao ri umma'-Na, “Pakéno kaing karung sibawa aggaléluno ri laleng awué. Abbaratano nenniya mpatinno sibawa mapessé pada-pada tau teringiyéngngi amaténna ana' tungke'na, saba' nagasako matu pappabbinasaé temmusenna-senna.”

AWATINGENG 3:29

Leppessakki pakariyawai alé sibawa manyara, nasaba naullé engka mupa paddennuwang.

AMOS 5:13

Nasaba pangkaukemmuro, na sining tau iya mapanré mappéneddingngi lebbi kessing muwi mammekko bawang ri wettu iya maja pada-padaéro.

AMOS 6:10

Séddi anggota kaluwarga iya risuroé murusu'i akkuburukenna, poléi matu sibawa tiwii massu ujuna sahaba'na. Gorai matu lao ri tau iya engkaé ri monri bolaéro, “Engka mupaga tuwo ri lainnaé iko?” Napaéngkalinga matu pappébalié, “Dé'!” Nakkeda matu anggota iya risuroé kurubu'i iyaro ujué, “Aja'na muwabbicara! Dé' tawedding teppui asenna Puwangnge.”