MIKHA 1:1 - KITTA KAREBA MADECENG

¹ Assalenna Mikha poléi riséddié kota baiccu riyasengngé Morésyét. Wettunna wanuwa Yéhuda riparénta matturu-turuseng ri Arung Yotam, Ahas sibawa Hizkia, natarimai Mikha pasenna Puwangnge passalenna Samaria sibawa Yérusalém.

MIKHA 1:1 ပူးပေါင်းရင်းမြစ်များ

2 ARUNG-NGARUNG 15:32

Ri taung maduwaé apparéntanna Arung Pékah ana' Rémalya ri Israélié, Yotam ana' Uzia mancaji arunna Yéhuda.

2 ARUNG-NGARUNG 15:5

Puwangnge mébbui nakenna lasa oli iya mappakatau-taué, nanarapi maté, iyaro lasana dé' najjappa. Ripassalai riséddié bola sibawa ripaleppe polé ri jama-jamanna. Yotam ana' worowanéna paréntai ra'ya'é selaku wakkélé'na.

2 ARUNG-NGARUNG 16:1

Ri taung maseppuloé pitu apparéntanna Arung Pékah ana' Rémalya ri Israélié, Ahas ana' Yotam mancaji arunna Yéhuda.

2 ARUNG-NGARUNG 18:1

Ri taung matellué apparéntanna Arung Hoséa ana' Ela ri Israél, Hizkia ana' Ahas mancaji arunna Yéhuda.

2 TAWARIKH 28:1

Ahas mancaji arung ri umuru 20 taung, mapparéntai ri Yérusalém 16 taung ittana. Dé' naccowériwi conto iya makessingngé polé ri Arung Daud, toriyolona, sangadinna napogau'i iya dé'é napésennangiwi atinna Puwangnge.

2 TAWARIKH 29:1

Hizkia mancaji arunna Yéhuda ri umuru 25 taung, namapparéntai ri Yérusalém 29 taung ittana. Indo'na riyasengngi Abia ana'na Zakharia.

YESAYA 1:1

Iyaé kitta'é mallise'i paseng passalenna Yéhuda sibawa Yérusalém iya nappaitangngé Allataala lao ri Yésaya, ana' Amos, wettunna Uzia, Yotam, Ahas sibawa Hizkia mapparénta ri Yéhuda.

YESAYA 1:2

Engkalingai éh langi, pénessaiwi éh lino! Makkedai Puwangnge, “Ana'-ana' iya puraé Upiyara maronta'i lao ri Iyya.

YESAYA 7:1

Arung Ahas iyanaritu ana' worowanéna Yotam sibawa eppona Uzia. Wettunna naparénta Yéhuda, kajajiyanni musué. Rézin arung Siria, sibawa Pékah ana' worowanéna Rémalya arunna Israélié, lao gasai Yérusalém. Iyakiya dé' naulléi sittaiwi kotaéro.

YESAYA 7:9

Dé' nalebbi watang Israélié naiya Samaria, ibukotana, na Samaria dé' nalebbi watang naiya Arung Pékah. Rékko dé' mutonget-tongeng mateppe ri alé-Ku, pasti dé' mulléi tahang.”

YEREMIA 26:18

“Wettunna Hizkia mancaji arunna Yéhuda, Nabi Mikha polé ri Morésyét palettu'i ri ra'ya'é ada-adaéwé polé ri Puwang Iya Pommakuwasaé, ‘Rirakkalai matu Sion pada-pada dare'é, mancajiwi matu Yérusalém goppo ruttungeng, sibawa mancaji ale'i matu Bulu-bulu Bolana Puwangnge.’

HOSEA 1:1

Iyanaé paseng iya nabbéréyangngé Puwangnge lao ri Hoséa ana' Bééri wettunna akkarungenna Yéhuda matturu-turusengngi riparénta ri Arung Uzia, Yotam, Ahas, enrengngé Hizkia, sibawa akkarungenna Israélié riparéntai ri Yérobéam ana' Yoas.

HOSEA 4:15

Eh iko tau Israélié, dé' mumatinulu lao ri Iyya! Iyakiya, mamménasa-Ka Yéhuda dé' napogau'i asalang iya padaé! Aja' muwassompa ri Gilgal iyaré'ga ri Bétel. Aja' muwattanro kuwaro nasabbing asenna Puwang iya tuwoé.

HOSEA 8:14

Patettongngi tau Israélié sining saoraja, iyakiya takkalupai mennang lao ri Pappancajinna. Napamaégaiwi tau Yéhudaé kota-kota mabbénténgngé, iyakiya maélo-Ka panonno api untu' tunui gangka cappu sining saorajana sibawa kota-kotana.”

AMOS 1:1

Amos iyanaritu séddiwi pakkampi bimbala polé ri kota Tékoa. Mancaji nabiwi wettunna wanuwa Yéhuda riparénta ri Arung Uzia, sibawa Israélié riparénta ri Arung Yérobéam, ana' worowanéna Yoahas. Duwattaung ri wettu dé'napa nakajajiyang séuwa tatténrénna tanaé, nappaitangngi Allataala lao ri Amos gau'-gau' passalenna Israélié.

AMOS 6:1

Macilakono iko tuwoé mannyamen-nyameng ri Sion, sibawa iko iya marasa amangngé ri Samaria – iko éh sining pamimpinna masyaraka bangsa Israél iya poréwé, iko iya biyasaé rilokkai ri ra'ya'é untu' méllau pattulung!

MIKHA 1:5

Iya manennaro kajajiyangngi matu nasaba madosai sibawa maronta'i tau Israélié lao ri Allataala. Niga nassabariwi namadosa Israélié? Tenniyaga Samaria ibukotana muto? Niga nassabariwi nassompa barahala Yéhuda? Tenniyaga Yérusalém muto?

MIKHA 3:9

Engkalingai ada-adakkué, éh iko panguwasana Israél iya céccééngngi adélékengngé sibawa balé'éngngi atongengengngé.

HABAKUK 1:1

Iyanaé paseng iya napalettu'é Puwangnge lao ri Nabi Habakuk.

2 PETRUS 1:21

Saba' dé' naengka paseng polé ri Allataala nabbirittang tolinoé nasaba élo aléna. Iyakiya Rohna Allataala makuwasaiwi tauwé untu' palettu'i paseng polé ri Allataala muto.