9 saba' Iko, Puwang, makuwasa mannennungeng.
Sibalé'na tau majaé: pada-padai awang towa iya napatassiyaé anging.
Iyakiya Iko, oh Puwang, Arung untu' mannennungeng, tette'i riyéngngerang massossoreng.
Nainappa makkedaka, “Oh Allataala aja' talai nyawaku ri pattengngang atuwokku.” Puwang, tuwo-Ko mannennungeng,
Iyakiya tau majaé binasai matu, teddéngngi matu balinna Puwangnge pada-pada bungaé ri padangngé, lennye'i matu ri laleng rumpué.
Nasaba akessingen-Na laowi Allataalaku ri iyya, Naleppessangngi uwita balikku ricau.
Sining arungngé tiwii pakkasuwiyang lao ri Iko ri Bola-Mu ri Yérusalém.
Tau iya salaiyék-Ko macilakai matu, Mupabbinasai tau iya dé'é namatinulu lao ri Iko.
Mukuwasaiwi tasi iya mabbombangngé, sibawa pasoroi bombanna iya maseroé.
Saba' Iko, oh Puwang, panguwasana sininna linoé; maraja-Ko nacau sininna déwataé.
Mallurui mennang pada-pada lémpe iya maseroé. Iyakiya Allataala mancangngi mennang, nainappa lari mennang gangka mabéla. Rilellungngi mennang pada-pada awangngé naluttureng anging ri émpeng bulué, iyaré'ga awué nairi anginraja.
Tawatellunna pabbanuwamu maté matu nasaba sai enrengngé abala akkadéreng iya kennaéngngi kotaé. Tawatellunna Uwunoi matu sibawa peddang ri saliweng kota, sibawa tawatellunnasi Uwassiyamporeng matu lao ri sininna sulapa'é nenniya Ulellungngi matu sibawa peddang.
Maélo-Ka paompo musu ri wanuwammu sibawa passara-sarakko ri wanuwa-wanuwa laingngé. Kaboi matu sining dare'mu, sibawa rileppessangngi kota-kotamu mancaji goppo ruttungeng.
Sises-siseng iyaro Petti Assijancingngé maélo riyakka makkedai Musa, “Oto'ni, oh Puwang, patassiya-siyai balimmu angkanna tau iya benciyékko lariwi.”
Iyakiya mappébali-Ka matu, ‘Dé' naengka uwissekko! Esu'ko polé kuwaé, iko pogau'éngngi majaé!’ ”
Namakkekkuwangngé tiwii lao mai sining balikku iya dé'é naéloriwi iyya mancaji arunna. Uno manengngi mennang ri yoloku!’ ”
Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”
Puwangnge passara-sarakko matu ri yelle'na bangsa-bangsaé ri sininna linoé. Kuwaro sompako matu déwata-déwata iya riyébbué polé ri ajué sibawa batué, déwata-déwata iya dé'e muwissengngi sibawa dé'to naissengngi néné-nénému.
Tennapodo sining balim-Mu, oh Puwang, matéi pada-pada Siséra, iyakiya sininna sahaba'-Mu mattappai pada-pada mata essoé ri bitaraé! Purairo, amanni wanuwaéro patappulo taung ittana.
