MAZMUR 83:5 - KITTA KAREBA MADECENG

⁵ Adanna mennang, “Laono mai taancuru'i bangsa Israélié, kuwammengngi dé' nariyéngngeranna asenna mennang.”

MAZMUR 83:5 ပူးပေါင်းရင်းမြစ်များ

2 TAWARIKH 20:11

Makkekkuwangngé, makkuwaniyé tindakanna bangsa-bangsaéro lao ri idi. Maéloi mennang rukkaki polé ri wanuwa iya Muwéréngngékki.

ESTER 3:6

Na wettunna naisseng makkedaé Mordékhai séddiwi tau Yahudi, malani apettung untu' hukkungngi Mordékhai sibawa tenniya aléna bawang, sangadinna maélo towi paccappui sininna bangsa Yahudié ri akkarungeng Persia.

MAZMUR 124:3

purani naemme tuwo-tuwo, nasaba caina mennang iya maseroé.

MAZMUR 2:2

Massamangngi tokkong sining arung linoé sibawa sining panguwasaé masséddiwi méwai Puwangnge sibawa arung Napilé.

MAZMUR 74:8

Maéloi mennang patunru sisekki, sibawa tunui gangka cappu sininna onrong assompangngé ri wanuwaéwé.

AMSAL 21:30

Dé'gaga amaccang iyaré'ga apanréng iya mullééngngi tahang ri yolona Puwangnge.

YESAYA 7:2

Wettunna naéngkalinga arung Yéhuda makkedaé muttama'ni pasukanna Siria ri daérana Israélié selaku sellao, métau senna'ni sibawa bangsana, angkanna ténré mennang pada-pada aju iya nagottangngé anging.

YEREMIA 33:24

“Puraniga mupénessai aga iya napowadaé tauwé lao ri Israélié sibawa Yéhuda? Makkedai mennang makkedaé purani Uwabbéyang iya duwa bangsa iya puraé Upiléro. Iyanaro saba'na naita mariyawai umma'-Ku, sibawa dé'na naangga'i mennang selaku séddi bangsa.

YEHEZKIEL 25:15

Makkedai Puwang Iya Pommatanré, “Purani makkabale sining tau Filistingngé sibawa mabecco lao ri bali massossorenna mennang nenniya paccappui mennang sibawa penno paccéccé.

MIKHA 4:11

Maéga bangsa pura maddeppungeng untu' gasako, éh Yérusalém! Makkedai mennang, “Harusu'i riyancuru Yérusalém! Maéloki mitai iyaro kotaé mancaji ruttungeng!”

YOSUA 7:9

Naéngkalingai matu tau Kanaangngé sibawa sininna tau laingngé ri daéraéwé passalenna gau'éro. Nakeppukki matu mennang sibawa nauno manekki! Na agana harusu Upogau' matu untu' mattahangengngi alebbirem-Mu?”

WAHYU 17:13

Iya seppulo arungngéwé iya manenna mappunnaiwi akkatta iya padaé; iya manenna mennang nabbéréyangngi awatangenna sibawa akuwasanna lao ri olokolo'éro.

WAHYU 19:19

Nainappa uwita iyaro olokolo'é, sibawa sining arung linoé enrengngé tentarana mennang, maddeppungengngi untu' mammusu méwai iya tonangiyéngngi anyarang putéro sibawa tentara-Na.