MAZMUR 83:10 - KITTA KAREBA MADECENG

¹⁰ Gaukengngi mennang pada-pada tau Midiangngé, pada-pada Siséra sibawa Yabin ri Salo Kisyon,

MAZMUR 83:10 ပူးပေါင်းရင်းမြစ်များ

ZEFANYA 1:17

Makkedai Puwangnge, “Maélo-Ka papolé maéga abala ri yasé'na rupa tauwé, angkanna makkapése'i matu pada-pada tau butaé. Madosani mennang lao ri Iyya, na makkekkuwangngé tattiri'i matu darana mennang pada-pada uwai, sibawa sining ujuna makebbongngi ri tompo'na tanaé.”

1 SAMUEL 28:7

Rimakkuwannanaro makkedani Saul lao ri sining pegawénna, “Sappano séddi sanro makkunrai pangobbi waliyala, maéloka lao ri aléna untu' méllau panunju.” Mappébalini mennang, “Ri En-Dor engka sanro pada-padaéro.”

YOSUA 17:11

Ri laleng daérana Isakhar sibawa Asyer engka tana-tana appunnangenna Manasyé, iyanaritu: Bét-Séan nenniya Yibléam sibawa désa-désaé ri seddéna. Makkuwatoro: Dor (kota iya monroé ri wiring tasi'é), En-Dor, Taanakh, Mégido sibawa désa-désaé ri seddéna.

YEREMIA 16:4

Matéi matu mennang nakenna lasa iya tiwié amaténg, sibawa matéi matu ri laleng ammusurengngé iyaré'ga maté alupureng. Dé' muwi séddi tau teringiwi matu iyaré'ga kuburu'i mennang. Tassiya-siyai matu ujuna mennang pada-pada pupu'é ri tanaé, nenniya nanréi manu'-manu' sibawa olokolo masekkang.

YEREMIA 8:2

tenniya untu' ripaddeppungeng sibawa rikuburu paimeng, sangadinna rileppessang ri tanaé selaku roppo. Iyaro buku-bukunna sining tauwé tattale'i ri yolona mata essoé, kétengngé sibawa sining wéttowing iya nangga'é déwata mennang, naélori, natumaningi, nasompa, sibawa naéllauwi panunju.

2 ARUNG-NGARUNG 9:37

sibawa sésa-sésa ujuna tassiya-siyai matu pada-pada tai olokolo'é angkanna dé' muwi séddi tau mulléi missengngi ujuna niga iyaro.’ ”

HAKING-HAKING 4:15

nanagasai Siséra. Na Puwangnge pakacaui sininna tentarana Siséra sibawa karéta-karéta musuna, angkanna nonno Siséra polé ri karétana, nanalari.

HAKING-HAKING 4:16

Nalellunni Barak karéta-karéta musué sibawa pasukanna baliéro lettu ri Harosét-Hagoyim nanaunoi sininna pasukanna Siséraro; dé' muwi séddi naleppessang tuwo.

HAKING-HAKING 5:21

Sapu Salo Kison malirengngi balié. Maju, majuno sibawa barani, éh nyawaku!

HAKING-HAKING 7:25

Duwa ponggawana bangsa Midian ritikkeng ri mennang, iyanaritu Oréb sibawa Zeeb. Oréb riyunoi ri Batu Oréb na Zeeb riyunoi ri onrong apparakeng anggoro Zeeb. Iyaro sining tau Efraingngé matterui lellungngi tau Midiangngé, nanatiwii ulunna Oréb sibawa Zeeb ri Gidéon ri liwenna Yordan bagiyang alau.