MAZMUR 80:8 - KITTA KAREBA MADECENG

⁸ Oh Allataala Iya Pommakuwasaé, palisuki; itaki sibawa masémpo ati, natasalama.

MAZMUR 80:8 ပူးပေါင်းရင်းမြစ်များ

YEREMIA 2:21

Utanekko pada-pada pong anggoro'é iya Upilé polé ri biné iya makessingngé. Iyakiya makkekkuwangngé tappinrano, mancaji tanet-taneng maliya sibawa temmakéguna.

MAZMUR 44:2

Oh Allataala, aléta muto pura méngkalingai curita iya nacuritaé toriyolota passalenna winru masero iya Mupogau'é ri wettu riyolo.

YEHEZKIEL 17:6

Iyaro tanet-tanengngé mancajiwi pong anggoro iya tuwoé mapancé iyakiya makkalolo'i malowang. Takké-takkéna mattujui lao ri kuwajangngéro, na ure-ure'na maddince'i masse ri laleng tanaé. Iyaro pong anggoro'é maworong senna'i.

YEREMIA 12:10

Maéga tomakuwasa laing pura solangiwi palla anggoro'-Ku sibawa léjja-léjja'i sining dare'-Ku. Wanuwak-Ku iya magelloé napinrai mennang mancaji padang kessi iya masino-sinoé.

RIWAYA'NA RASUL-RASUL-E 7:45

Nainappa iyaro kémaé natiwii néné-nénéta wettunna mennang sibawa Yosua lao sittaiwi wanuwattaé polé ri akuwasanna bangsa-bangsa iya napaddésu'é Allataala ri yolona mennang. Iyaro kémaé engkai kuwaro lettu wettunna Daud.

YEHEZKIEL 19:10

Indo'mu samannai pong anggoro magello iya tuwoé ri dare macawé'é ri ana' saloé. Mancaji maworongngi sibawa mabbuwa saba' tabbollompollongngi uwai kuwaro.

YEHEZKIEL 15:6

Rimakkuwannanaro makkedai Puwang Iya Pommatanré, “Pada aju pong anggoro iya riyalaé polé ri ale'é sibawa ritunu, makkuwatoro Ugaukengngi matu pabbanuwana Yérusalém!

MAZMUR 78:55

Ri yolona umma'-Na Napaddésu'i pabbanuwaé kuwaro Nainappa nattawa-tawang iyaro wanuwaé lao ri sininna suku bangsa Israélié, umma'-Na, angkanna naulléi mennang monroiwi kéma-kémana balié.

YOSUA 13:6

Muttama toni sininna daérana tau Sidongngé, iya monroé ri daéra bulué ri yelle'na sining bulu Libanon sibawa Misréfot-Maim.” Nakkeda Puwangnge patterui lao ri Yosua, “Sininna bangsa-bangsaéro Upaddésu'i matti, wettunna umma Israélié musui mennang. Iyaro tanaé harusu'i mubagé-bagé lao ri umma Israélié untu' mancaji tana appunnangenna mennang, pada-pada iya puraé Uparéntakko.

MAZMUR 31:17

Tennapodo Muwéloriwi atam-Mu; passalama'ka nasaba pammasé-Mu.

MAZMUR 60:3

Musampéyakki, oh Allataala, sibawa leppessakki ricau. Macai-Ko lao ri idi; makkekkuwangngé passauki.