MAZMUR 74:3 - KITTA KAREBA MADECENG

³ Jalajja'ni onrong iya mancajiyénna ruttungeng; sininna engkaé ri Bola-Mu purani naancuru balié.

MAZMUR 74:3 ပူးပေါင်းရင်းမြစ်များ

2 ARUNG-NGARUNG 25:9

Natununi Nébuzaradan Bolana Puwangnge, saorajana arungngé, sibawa bolana sininna tomariyoloé ri Yérusalém.

NEHEMIA 1:3

Nacuritani mennang makkedaé sining tau puraé ripali iya lisuénna ri tana assalennaro, tuwoni makkekkuwangngé manrasa-rasa sibawa ripakatuna ri bangsa-bangsa laingngé iya engkaé ri seddéna. Nainappani, témbo-témbo'na kota Yérusalém ancuru mupi tassiya-siya sibawa pintu-pintu gerbanna dé'pa naripédécéngi sipongenna ritunu ri wettu labe'é.

NEHEMIA 2:13

Makalemmeng mupi wettunna risalai kotaé lalo ri Pintu Gerbang Lompo'é ri seddé yajang. Mattujuki ri seddé yattang, ri Pintu Gerbang Warowoé, lalo ri Mata Uwai Naga. Ri laleng allalengengngéro uparéssai sining asolangenna témbo'na kotaé sibawa uwita towi pintu-pintu gerbang iya cappuénna nanré api.

NEHEMIA 2:3

nainappa mappébali, “Tuwoi Datu untu' mannennungeng! Pékkugi atatta temmasara, rékko kota onrong kuburu'na néné-nénéna atatta makkekkuwangngé goppo ruttungeng mani monro sibawa pintu-pintu gerbanna ancuru'ni nanré api.”

MAZMUR 44:23

Nasaba Iko matteruki riyancang ri amaténgngé, sibawa rigaukeng pada-pada bimbala aggérésengngé.

MAZMUR 44:26

Ancuru'ki mabuwang ri tanaé, léwu ri laleng awué nasaba cauki.

MAZMUR 79:1

Mazmurna Asaf. Oh Allataala, bangsa iya dé'é naissek-Ko natudangini tana mana-Mu. Napanajisii mennang Bola-Mu, napancajiwi Yérusalém ruttungeng.

YESAYA 10:6

Ukiringngi Asyur untu' gasai bangsa-Ku iya salaiyéngngi agamana sibawa iya mébbuék-Ka macai. Usuroi Asyur untu' maddampo sibawa ménnau enrengngé léjja-léjja'i bangsa-Ku pada-pada awué ri lalengngé.”

YESAYA 25:10

Puwangnge linrungiwi matu Bulu Sion, iyakiya Moab riléjja'-léjja'i matu pada-pada daramé ri onrong warowoé.

YESAYA 61:4

Napatettongngi matu mennang kota-kota iya maittaénna maruttung sibawa patettongngi onrong-ngonrong iya maittaénna masino-sino.

YEREMIA 52:13

Natununi Nébuzaradan Bolana Puwangnge, saorajana arungngé, sibawa bolana sininna tau mariyoloé ri Yérusalém.

AWATINGENG 1:10

Rirampasa'ni sininna waramparanna risining balinna. Mala harusu'i naita mennang muttamakiwi Bolana Allataala, séuwa pangkaukeng iya nattéyangngé Puwangnge untu' tau iya tenniyaé umma'-Na.

DANIEL 11:31

Nainappa nakiring sining pasukang iya carépaiyéngngi Bolana Puwangnge. Naleddai matu mennang akkarobangeng esso-essoé sibawa patettongngi séuwa iya mappakatau-taué iya riteppué Ja iya paancuru'é.

DANIEL 9:17

Oh Allataalata, éngkalingai sempajakku sibawa paréllaukku. Palisui Bola-Mu iya puraé riyancuru'ro, pédécéngiwi kuwammengngi naissengngi sininna tauwé makkedaé Iko ritu Allataala.

DANIEL 9:27

Iyaro arungngé mébbui matu assijancing masse'é sibawa maéga tau ri lalenna pituttaungngé. Ri pattengnganna wettuéro, napappésauwi matu ripakangkana akkarobangengngé sibawa pakkasuwiyangngé. Nainappa séuwa iya mappakatau-taué iya riyasengngé Ja iya paancuru'é ritaroi matu ri Bolana Puwangnge sibawa tette'i matu engka kuwaro narapi iya taroéngngi kuwaro nakenna abinasang iya puraé napattette Allataala untu' aléna.”

MIKHA 1:3

Nonnoi polé ri onron-Na iya mapaccingngé sibawa joppa ri coppo-coppo bulué ri linoé.

MIKHA 3:12

Nasaba jamuro, rirakkalai matu Sion pada-pada dare'é, Yérusalém mancajiwi matu goppo ruttungeng, sibawa bulu-buluna Bolana Puwangnge mancajiwi matu alekale.

MARKUS 11:17

Nainappa napagguruni Yésus sining tauwé kuwaro. Makkedani, “Ri laleng Kitta'é tarokii makkedaé: Makkedai Allataala, ‘Riyasengngi matu Bola-Ku onrong massempajang sininna bangsaé.’ Iyakiya iko mupancajiwi saranna paddampo'é!”

LUKAS 21:24

Engka matu riyuno sibawa peddang, engkato matu ritiwi selaku tawangeng ri wanuwa-wanuwanna tauwé; nasining tau iya dé'é naissengngi Allataala naléjja'-léjja'i matu Yérusalém narapi cappu wettu iya pura napattentué Puwangngé untu' mennang.”

YOSUA 10:24

naritiwi lao ri Yosua. Nainappa naobbi Yosua sininna tau Israélié maddeppungeng, nanapparéntangngi kuwammengngi sining parawira iya maccowéé mammusu sibawa aléna poléi malléjja'i. Napoléna sining parawiraéro sibawa lejja'-lejja'i ellonna sining arungngéro.

WAHYU 11:2

Iyakiya aja' muukkuru'i seddéna iya ri seddé saliwenna Bolana Allataalaro, saba' iyaro bagiyangngé purani riyabbéréyang lao risining tau iya dé'é naissengngi Puwangngé. Naléjja'-léjja'i matu mennang kota iya mapaccingngéro patappulo duwa uleng ittana.