MAZMUR 74:2 - KITTA KAREBA MADECENG

² Engngerangngi umma'-Mu iya Mupilé sipongenna riyolo, bangsa iya Mupaleppe'é kuwammengngi nancaji appunnangem-Mu. Engngerangngi matu Bulu Sion, iya Mupancajiyé onrong Muwonroiyé.

MAZMUR 74:2 ပူးပေါင်းရင်းမြစ်များ

MAZMUR 106:40

Namalluwa'na caina Puwangnge lao ri mennang, maciddi'ni sibawa appunnangeng riyaléna.

MAZMUR 135:4

Napiléi Yakub untu' Aléna, umma Israélié napancajiwi appunnangen-Na.

MAZMUR 33:12

Masennangngi bangsa iya mangakuiyéngngi Puwangnge selaku Allataalana, masennangngi umma iya Napilé mancaji appunnangen-Na!

MAZMUR 68:16

Bulu Basan iyanaritu bulu iya maseroé, bulu iya maccoppo'é maéga.

MAZMUR 77:15

Iko ritu Allataala iya pogau'é anu makalallaing, purani Mupannessa akuwasam-Mu ri yelle'na bangsa-bangsaé.

MAZMUR 9:11

Tau iya missengngék-Ko mamménasai ri Iko, oh Puwang, tau iya sompaék-Ko dé' Musalaiwi.

MAZMUR 9:12

Pojiwi Puwang iya mapparéntaé ri Sion! Curitanni pangkauken-Na lao ri bangsa-bangsaé!

MAZMUR 94:14

Saba' dé' nasalaiwi Puwangnge umma'-Na; dé' najampaléllériwi matu appunnangeng mana-Na.

ASSURENG 15:13

Mupimpingngi bangsa iya puraé Mupassalama'é, nasaba matinuluko ri jancim-Mu. Nasibawang awatangeng battowa Mulinrungiwi mennang, sibawa Mupimpingngi lao ri tana-Mu iya mapaccingngé.

ASSURENG 15:16

Métau senna'ni mennang, sabbingngi awatangenna Puwangnge. Wettunna labe umma'-Mu, dé' namakuwasa balié mattahang, labe'ni bangsa iya puraé Mupaleppe.

YESAYA 51:11

Na sining tau iya ripaleppe'é ri Puwangnge lisui matu muttama'i mennang ri Yérusalém sibawa gora-gora mattappai rupanna mennang nasaba ariyo-riyong mannennungengngé. Marennui mennang sibawa mariyo-riyo, asarang sibawa addarékéngngé lennye'ni.

YESAYA 62:12

Riyasengngi matu mennang: ‘Umma mapaccing’; ‘Umma iya napassalama'é Puwangnge’. Riteppui matu Yérusalém ‘Kota iya ripalécé ri Puwangnge’, ‘Kota iya dé'énna risalaiwi ri Puwangnge’.

YESAYA 62:6

Ri témbo'na Yérusalém taroka matu pengawal; esso wenni dé' nawedding mennang mammekko, iyakiya harusu'i matteru paréngngerangiwi Allataala lao ri janci iya puraé Naébbu.

YESAYA 63:17

Oh Puwang, magi Muleppessakki pusa? Magi Mupateddekiwi atitta angkanna dé' tamétau ri Iko? Lisuno nasaba ata-atam-Mu, nasaba umma'-Mu, appunnangeng mana-Mu.

YESAYA 63:9

Aléna paimeng nakenna asussanna mennang. Dé' nakiring Puwangnge suro iyaré'ga duta; Aléna ritu paleppe'i mennang nasaba pammasé sibawa paressé babuwa-Na. Tuli napiyarai mennang riyolopa nariyolo.

YEREMIA 10:16

Allataalana Yakub dé' napada-pada barahala-barahalaéro; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

YEREMIA 51:19

Allataalana Yakub dé' napada-pada iyaro barahala-barahalaé; Aléna pancajiwi sininna séuwa-séuwaé. Asen-Na iyanaritu Puwang Iya Pommakuwasaé; purani Napilé Israélié mancaji umma'-Na.

RIWAYA'NA RASUL-RASUL-E 20:28

Sitinajako jagaiwi aléna sibawa jagai towi sininna jema'é iya puraé nabbéréyang Rohna Allataala lao ri iko untu' rijagai, saba' pura riyakkako mancaji jennang ri jema'éro. Sitinajako jagaiwi iyaro jema'na Allataala pada-pada pakkampié jagaiwi bimbala'na, nasaba Allataala pura pancajiwi iyaro jema'é appunnangeng ri Aléna naolai amaténna Ana'-Na.

ULANGENG 32:9

Iyakiya wija-wijanna Yakub ripiléi ri Puwangnge untu' Aléna muto.

ULANGENG 4:20

Iyakiya iko iyanaritu bangsa iya ripassalama'é polé ri Maséré, onrommu manrasa-rasa sibawa masero. Natiwiko massu polé ri wanuwaéro, kuwammengngi mancajiwi bangsana muto pada-pada keadaammu makkekkuwangngéwé.

ULANGENG 9:26

sibawa massempajang makkuwaé: Oh Puwang Iya Pommatanré, aja' Mupaccappui umma appunnangem-Mué, bangsa iya Mupaleppe'é sibawa Muwantara massu polé ri Maséré nasibawang awatangeng sibawa akuwasam-Mu iya battowaé.

ULANGENG 9:29

Iyakiya éngngerangngi, Puwang, makkedaé mennangngé bangsa iya Mupilé mancaji umma'-Mu, sibawa Mutiwii polé ri Maséré nasibawang awatangeng sibawa akuwasam-Mu iya battowaé.”

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

WAHYU 5:9

Napuwélonni mennang séddi élong iya barué: “Sipato'-Ko malai iyaro kitta'é enrengngé reppa'i sining ségélé'na. Saba' pura-No riyuno, nanallalengiwi amatén-Na, rupa tauwé polé ri sininna sukué, basaé, wanuwaé enrengngé bangsaé purani muwelli untu' Allataala.