MAZMUR 72:4 - KITTA KAREBA MADECENG

⁴ Tennapodo arungngé nabélai ha'na ra'ya' mariyawaé, tulungngi sining tau kasiyasié sibawa paccappui sining tenre'éngngi mennang.

MAZMUR 72:4 ပူးပေါင်းရင်းမြစ်များ

AYUB 34:24

Tennasalidiki sibawa naparéssa napaléssoi panguwasaé sibawa makkai passulléna.

MAZMUR 109:31

Saba' Aléna méwaiwi sibawa passalama'i tau kasiyasié polé ri mennang iya pateppaéngngi pahukkung maté ri yasé'na.

MAZMUR 2:9

Mupoloi matu mennang sibawa tekkeng bessi sibawa mureppa'i pada-pada oring tanaé.’ ”

MAZMUR 94:5

Natenre'i mennang umma'-Mu, oh Puwang, sibawa reppo'i sining tau Mupilé.

AMSAL 20:26

Arung iya mapanré naisseng niga tau iya majaé; nahukkungngi matu mennang temmaddampeng.

YESAYA 11:4

Naadélékiwi tau kasiyasié sibawa adélé, tau iya dé'é pakkullénna naadélékiwi sibawa malempu; tau pasalaé nahukkungngi nasaba paréntana, napaccappui tau majaé.

YESAYA 42:1

Adanna Puwangnge, “Iyanaé atak-Ku iya Usokongngé, tau upilé-Ku iya sennangiyéngngi atik-Ku. Purani Uwéréng akuwasak-Ku lao ri aléna, untu' tiwi adélékeng lao ri tungke bangsaé.

YESAYA 42:3

Bulo iya nroko'é dé' naripolo matu, pajjennangeng iya mappidé-pidé dé' naripeddéi matu. Nasibawang atinulureng napannessai matu atongengengngé,

YESAYA 9:4

Sapatu tentara iya metta-ketta'é sibawa wajunna iya pennoé dara, cappui matu nanré api.

ZAKHARIA 11:11

Iyatoro essoé narirusa' iyaro assijancingngé. Iyaro sining padangkang bimbala'é najagaika, sibawa mainge'i mennang makkedaé Puwangnge mattengngang makkeda-ada naolai sininna pangkaukekku.

ZAKHARIA 11:7

Iyya, Zakharia, nainappa ripéssaroi risining padangkang bimbala'é untu' mampii sining bimbala iya maéloé rigéré. Mappunnaika duwa tekkeng; iya séddié uwasengngi “Asémpong” sibawa séddiéssi “Siyo”. Nainappaka mappammula manganrowang sibawa piyarai iyaro sining bimbala'é.

MATIUS 11:5

Makkita tau butaé, joppa tau péso'é, majjappa tau malasa oli iya mappakatau-taué; maréngkalinga tau mataru-tarué, tuwo tau maté, sibawa Karéba Madécéng polé ri Allataala riyabbirittang lao ri tau kasiyasié.

WAHYU 18:20

Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!

WAHYU 18:24

Rihukkungngi Babél saba' ri laleng kotaéro rilolongenni darana nabi-nabié, darana umma'na Allataala – rippe'na darana sininna tauwé iya puraé riyuno ri yasé'na linoé.

WAHYU 19:2

Adélé'i pangadéléken-Na sibawa mapanréi! Purani napatakkenna pahukkungengngé ri yasé'na cakkuribang iya battowaé, iya solangiyéngngi linoé sibawa appangaddinna. Allataala pura hukkungngi iyaro cakkuribangngé, saba' naunoi ata-atanna Allataala.”