MAZMUR 72:16 - KITTA KAREBA MADECENG

¹⁶ Tennapodo maonai gandongngé ri sininna wanuwaé, sibawa sining bulu-buluna pennoi wassélé. Tennapodo macommo'i tanana pada-pada Buluna Libanon, sibawa pabbanuwana kotana tattambai pada-pada wellaé ri padangngé.

MAZMUR 72:16 ပူးပေါင်းရင်းမြစ်များ

1 ARUNG-NGARUNG 4:20

Ra'ya' Yéhuda sibawa Israélié égana padai kessi'é ri wiring tasi'é. Mappunnaiwi mennang genne inanré sibawa énungeng enrengngé tuwoi sibawa masennang.

AYUB 5:25

Ana' eppomu tenribilang matu, singngégai mennang wellaé ri padangngé.

AYUB 8:7

Asugiremmu iya teddéngngéro dé' bettuwanna ripasibandingngi sibawa aga iya mulolongengngé matti.

MAZMUR 104:16

Ajukajunna Puwangnge lolongengngi bosi maona aju camara Libanon iya Alénaé tanengngi.

MAZMUR 72:6

Tennapodo padai bosi iya teppaé ri padangngé, pada-pada bosi raja iya malle'éngngi sining dare'é.

YESAYA 29:17

Engka warékkada makkeda, “Dé'na namaitta ale'é namancaji dare sibawa dare'é lisu mancaji ale'.”

YESAYA 30:23

Rékko mampoko biné, kiringngi matu Puwangnge bosi kuwammengngi natuwo matu iyaro biné sibawa powassélé éngngalang iya maonaé. Untu' Olokolo'mu tassadiyai matu padang wella iya malowangngé.

YESAYA 32:15

Iyakiya siseppi poléi matu Allataala sibawa akuwasan-Na. Na padang kessi'é mancajiwi matu sining dare iya macommo'é, sibawa sining dare'é mancajiwi matu pada-pada ale'é.

YESAYA 35:2

Mpungai padang kessi'é sibawa makkompe, nenniya maddéndang sibawa élokkélong marennu. Agellorenna pada-padai Bulu Libanon, commo'na pada-padai Lompo Karmél sibawa Saron. Na tungke tau naitai matu akuwasanna Puwangnge, sibawa arajanna Allataalata.

YEREMIA 33:22

Utambaiwi matu wija-wijanna atak-Ku Daud sibawa imang-ngimang suku Léwi, angkanna jumellana mennang mancajiwi singngégai kessi'é ri wiring tasi'é sibawa wéttowing iya dé'é nariyullé bilang.”

RIWAYA'NA RASUL-RASUL-E 1:15

Riséuwaé esso, wettunna mennang maddeppungeng – engka kira-kira sératu duwappulo tau hadéré' – tettonni Pétrus untu' mabbicara. Nakkeda,

RIWAYA'NA RASUL-RASUL-E 2:41

Maéga tau mateppe' lao ri iya napowadaé Pétrus, nainappa mennang ricemmé. Na jumellana tau mateppe'é iyaro essoé tattambai sibawa tellussebbu tau.

RIWAYA'NA RASUL-RASUL-E 4:4

Iyakiya sining tau iya méngkalingaéngngi pappagguruwanna iyaro sining rasul-é, maéga mateppe'. Natattambana jumellana mennang narapi kira-kira limassebbu tau.

WAHYU 7:14

Umappébali, “Dé' uwissengngi Puwang. Puwang muto missengngi.” Nakkeda lao ri iyya, “Iyanaé sining tau iya salama'é laloiwi wettu paccallangngé iya maseroé. Purani mennang nasessa jumbana enrengngé naébbui maputé sibawa darana Ana' Bimbala'éro.

WAHYU 7:9

Purairo makkitasika, nauwitani lémpe tauwé iya dé'é padanna égana – dé muwi séddi tau iya mullé bilangngi jumellana! Mennang iyanaritu sining tau iya polé ri tungke' bangsa, suku, wanuwa, enrengngé basa. Mappaké jumbai iya maputé-puté sibawa makkatenning takké-takké aju pattuku ri limanna, iyaro sining tau maégaé tettongngi moloiwi kadéra arajangngé mangolo ri Ana' Bimbala'éro.