MAZMUR 7:2 - KITTA KAREBA MADECENG

² Oh Puwang Allataalaku, mallinrukka ri Iko; passalama'ka sibawa leppessakka polé ri sininna tau iya lellungngékka.

MAZMUR 7:2 ပူးပေါင်းရင်းမြစ်များ

2 SAMUEL 14:6

Mappunnaiwi atatta duwa ana' worowané, na riséuwaé esso massasai mennang ri padangngé. Nasaba dé'gaga tau pallalangngi, séddi ri yelle'na matéi riyuno.

AYUB 10:7

Sitongenna Muwisseng sibawa maingé, makkédaé dé' upasala, iyakiya tongeng. Muwisseng makkedaé muwi séddi tau dé'to namampu passalama'ka polé ri limam-Mu.

MAZMUR 11:1

Untu' pamimping kor. Mazmurna Daud. Mallinrukka ri Puwangnge; dé'gaga akkégunana makkeda lao ri iyya, “Passalama'i alému pada-pada manu'-manu' iya luttué lao ri bulué.

MAZMUR 16:1

Jagaika, oh Allataala, saba' ri Iko ritu mallinrukka.

MAZMUR 17:12

Pada-padai mennang singa maéloé lupperiwi anréna, singa lolo iya mangadangngé ri onrong massubbué.

MAZMUR 22:13

Pada-pada banténg makkonrongngé, nakatulukka balié, pada-pada banténg liya polé ri Basan nakeppukka mennang.

MAZMUR 31:2

Ri alé-Muka mallinrung oh Puwang, aja' taleppessakka ripakacélé. Passalama'ka nasaba adélékem-Mu

MAZMUR 35:15

Iyakiya wettukku masussa, masennangngi mennang, sibawa makkatulung méwaka. Joppai mennang takképpak-képpang untu' pakatunaka.

MAZMUR 50:22

Pénessaini, iko mallupaiyéngngi Allataala; jagaiwi aja' narapiko Upabbinasa, na dé'gaga mappassalama.

MAZMUR 59:2

Oh Allataalaku, passalama'ka polé risining balikku, linrungika polé ri tau iya gasaékka.

AMSAL 19:12

Caina arungngé pada-padai angngaunna singaé; akessingenna arungngé pada-padai cinoddo iya rica'éngngi tanet-tanengngé.

YESAYA 38:13

Puppu benni kelli'ka nataro peddi, samanna buku-bukukku rireppo ri sikajué singa; uwasengngi Allataala maéloni paccappa'ni atuwokku.

ULANGENG 33:20

Passalenna suku Gad makkedai: “Ripojiwi Allataala iya lowangiyéngngi daérana Gad. Mattajengngi Gad pada-pada sikajué singa maélo sapé'i taiyyaé iyaré'ga oli ulué.

2 TIMOTIUS 4:17

Iyakiya Puwangngé ranrekka. Mabbéréi awatangeng angkanna uwulléi mabbirittangngi sininna Karéba Madécéngngéro, kuwammengngi naéngkalingai sininna tau tenniyaé Yahudi. Sibawa leppe'ka polé ri abala amaténgngé.

1 PETRUS 5:8

Sitinajako matike' sibawa sadiya-sadiya! Saba' Ibillisi' iyanaritu balimmu. Pada-padai singaé iya joppaé lao tulili nangngautto sappai nanréna.