MAZMUR 69:36 - KITTA KAREBA MADECENG

³⁶ Napassalama'i matu Yérusalém sibawa patettongngi paimeng kota-kotana Yéhuda. Monroi matu umma'na Puwangnge kuwaro; iyaro tanaé mancajiwi appunnangenna mennang.

MAZMUR 69:36 ပူးပေါင်းရင်းမြစ်များ

MAZMUR 102:28

Iyakiya Iko tette'ko pada, dé' naccappa matu atuwom-Mu.

RIWAYA'NA RASUL-RASUL-E 2:39

Saba' iyaro najjanciyangngé Allataala iyanaritu untu' iko sibawa wija-wijammu enrengngé sining tau iya engkaé risining onrong mabélaé – iyanaritu sininna tau iya naobbié Allataala Puwatta untu' lao ri Aléna.”

MAZMUR 37:29

Tau malempué namanai matu iyaro tanaé, sibawa monroiwi untu' mannennungeng.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.

YOHANES 14:23

Nappébali Yésus, “Tau iya mamaséiyékka, naturusiwi pappagguruwak-Ku. Ambo'-Ku mamaséiwi. Ambo'é sibawa Iyya laowi matu ri aléna sibawa monroi sibawangngi.

YAKOBUS 1:12

Masennangngi tau iya mattahangngé ri wettunna péneddingi paccobang. Saba' rékko naulléi mattahang ri laleng paccobangngé, natarimai matu sarona, iyanaritu atuwong iya puraé najjanciyang Allataala lao risining tau iya mamaséiyéngngi Allataala.

ROMA 8:28

Taisseng makkedaé Allataala matoro'i sininna gau'é, angkanna napowassélé iya makessingngé untu' sining tau iya mamaséiyéngngi sibawa iya Naobbié situru rancana-Na.

YESAYA 61:9

Tarompoi matu wija-wijammu kégi-kégi, kalabba ri yelle'na sininna bangsaé. Nasininna tau iya mitaéngngi mangakuiwi matu, makkedaé iyaé bangsaé Ubarakkakiwi.”

MAZMUR 91:14

Adanna Puwangnge, “Tau iya pojiyékko Upassalama'i matu, iya mangakuiyék-Ka Ulinrungiwi matu.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.

YESAYA 44:26

Iyya ritu pakkasse'i ada-adanna atak-Ku, sibawa pogau'i rancana iya napannessaé suro-Ku, makkedaka makkedaé riyonroiwi matu paimeng Yérusalém, sibawa kota-kotana Yéhuda Upatettongngi matu paimeng; Upalisui matu sésa-sésana.