MAZMUR 69:3 - KITTA KAREBA MADECENG

³ Tassollaka ri rawa iya maliyungngé, dé'na gaga onrong mattuppu. Tallemme'ka ri uwai iya maliyungngé, rialireng ri bombang pasangngé.

MAZMUR 69:3 ပူးပေါင်းရင်းမြစ်များ

AYUB 11:20

Iyakiya tau majaé makkitai matu sibawa malippu, saba' untu' mennang dé' gaga pattulung. Séddi-séddinna amménasanna mennang iyanaritu kuwammengngi naleppu masitta ajjalenna.”

AYUB 16:16

Macella rupakku nasaba terika; boro amporo matakku sibawa magawu.

MAZMUR 119:123

Mapessé matakku tajengngi bantuwam-Mu iya mappassalama'é, utajengngi pappaleppe iya Muwajjanciyangngé.

MAZMUR 119:82

Matekko matakku tajek-Ko rupaiwi jancim-Mu, makkedaka, “Uppannapa Musaléworika matu?”

MAZMUR 22:15

Cappui awatangekku pada-pada uwai tuppa'é, leppe' manengngi buku-bukukku polé ri padduppanna, maccolo'i atikku pada-pada lilingngé.

MAZMUR 22:2

Allataalaku, oh Allataalaku, magi Musalaika? Mangobbika, iyakiya tette'-Ko mabéla sibawa dé' natulukka.

MAZMUR 25:21

Tennapodo akessingengngé sibawa alempurengngé silaongekka, saba' mamménasaka ri Iko.

MAZMUR 39:7

labe'i atuwonna pada-pada wajo-wajoé. Sininna alippungenna siya-siyai bawang; nagoppoi waramparangngé, iyakiya dé' naissengngi niga pakéi matu.

MAZMUR 40:3

Nagettekka polé ri kalebbong iya mabbahayaé, polé ri bungka rawa-rawaé. Nataroka ri tompo'na bulu-bulu batué, angkanna mattinetto jongkaku.

MAZMUR 6:6

Saba' ri laleng amaténgngé dé'na nariyéngngerak-Ko; dé' gaga iya pojiyék-Ko ri linona tau maté.

MAZMUR 69:21

Appakatunangngé mébbuka makeccé ati, sibawa pettu paddennuwakka. Usappai paressé babuwaé, iyakiya siya-siyai, usappai passaléwoé, iyakiya dé' ulolongengngi.

MAZMUR 88:7

Muwaggenrungekka ri kalebbong iya maliyungngé, ri kalebbong kuburu iya maliyungngé sibawa mapettangngé.

YESAYA 38:14

Pédé massalawu saddakku sibawa malemma, pada-pada jangang-jangangngé maddaréké. Matekko matakku nasaba céngai ri langié, Puwang, paleppe'ka polé ri asussangngéwé.

AWATINGENG 2:11

Boro matakku nasaba teri temmappésau, maddéké-rékéi nyawaku dé' padanna. Ancuru atikku mitai aruttungenna bangsaé; mitai ana'-ana'é nenniya ana'loloé marenne ri lalel-lalenna kotaé.

YOHANES 19:28

Naissenni Yésus makkedaé tépu manenni makkekkuwangngé, nakuwammengngi aga iya tarokié ri laleng Kitta'é weddingngi kajajiyang, makkedani, “Madekka-Ka.”

ULANGENG 28:32

Riyabbéréyangngi matu ana'-ana'mu selaku ata lao ri tau laingngé ri yolona matammu. Esso-esso mapessé matammu sappai ana'-ana'mu, iyakiya siya-siya bawang, saba' dé' nalisuna matu mennang.

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.