MAZMUR 69:26 - KITTA KAREBA MADECENG

²⁶ Leppessangngi akkémanna masino-sino, sibawa kéma-kémana tenriyonroi.

MAZMUR 69:26 ပူးပေါင်းရင်းမြစ်များ

2 TAWARIKH 28:9

Engka séddi nabinna Puwangnge riyaseng Odéd monro ri kota Samaria. Wettunna tentara Israélié lisu tiwi tawangeng polé ri Yéhuda, naéwai Odéd sita mennang wettunna maélo muttamakiwi kotaé. Makkedani, “Purani mucau tau Yéhudaé nasaba Puwang Allataalana toriyolomu macayii lao ri mennang. Iyakiya naéngkalingai Puwangnge pékkugi becco'mu mpunoi iyaro tentarana Yéhuda.

AYUB 30:13

Napoloi mennang lalekku untu' paccappuka; dé'gaga séddi palawa-lawaiwi wettunna maggasa.

MAZMUR 109:16

Saba' iyaro tauwé dé' naengka naéngngerangngi untu' mappaitang paressé babuwa. Nacallai tau kasiyasié sibawa manrasa-rasaé, sibawa naunoi tau iya malemmaé.

YESAYA 53:10

Napuwéloi Puwangnge makkedaé manrasa-rasai, sibawa mabbéréyangngi aléna selaku akkarobangeng pappaledda dosa. Namalampé umuru'i matu sibawa mitai asaronna naolai aléna nakajajiyang élona Puwangnge.

YESAYA 53:4

Sitongenna lasata ritu natanggung, anrasa-rasatta ritu iya nanrasa-rasaiyé, padahal riyasengngi anrasa-rasannaro pahukkungenna Allataala ri aléna.

ZAKHARIA 1:15

Iyakiya macai senna'-Ka lao ri bangsa-bangsa iya marasa amangngé sibawa tennangngé. Nasaba wettuk-Ku tahangngi cai-Ku ri yasé'na umma'-Ku, iyaro bangsa-bangsaé natambaiwi anrasa-rasanna umma'-Ku.

ZAKHARIA 13:7

Makkedai Puwang Iya Pommakuwasaé, “Tokkonno, éh peddang, sibawa gasani pakkampi iya mappallaungengngék-Ka! Unoi, natassiya-siya matu sining bimbala'é. Maélo-Ka gasai umma'-Ku,

1 TESALONIKA 2:15

Iyaro sining tauwé purani nauno Puwang Yésus enrengngé nabi-nabié, kuwaéttopa callaki. Namusui mennang sininna tauwé sibawa Allataala dé' sises-siseng namasennang lao ri mennang!