MAZMUR 69:2 - KITTA KAREBA MADECENG

² Passalama'ka, oh Allataala, saba' ménré'ni uwai lettu ri ellokku.

MAZMUR 69:2 ပူးပေါင်းရင်းမြစ်များ

AYUB 22:11

Pédé mapettang essoé, dé' mulléi makkita; tallemme'ko nappo lémpe iya maseroé.

MAZMUR 32:6

Rimakkuwannanaro tungke tau matinulué sitinajai massempajang wettunna péneddingi aperiseng, angkanna rékko poléi lémpe asussangngé, dé' nappo'i.

MAZMUR 40:2

Nasibawang asabbarakeng utajengngi bantuwanna Puwangnge; nainappa napénessaika sibawa méngkalingai pangobbiku.

YEREMIA 38:22

Ri laleng pakkitangngéro uwitai sininna makkunraié iya engkaé mupa ri saorajana Yéhuda riyassarénréngeng massu lao ri pajaba-pajaba'na arung Babél. Joppai mennang namakkedato, ‘Purani ribellé ri arungngé ri sahaba-sahaba maréppé'na, sibawa rikuwasai ri mennang. Makkekkuwangngé, tappasollanana ajéna ri laleng bungkaé, soro manenni mennang.’ ”

YEREMIA 38:6

Nainappa mennang nalaka nanapanonnoka sibawa tulu ri laleng bujung appunnangenna Malkia ana' worowanéna arungngé, iya engkaé ri seddéna saorajaé. Dé'gaga uwai ri laleng bujungngéro, banna bungka, namuttama'na ri laleng bungkaéro.

YUNUS 2:6

Luppe'ka lettu ri borina bulué, ri lino iya gerbannaé taggoncing lettu ri paccappurenna linoé. Poso nyawaku ri laleng aléku, nainappa maréngngerakka sibawa mangobbi lao ri Iko. Nalettu'na sempajakku ri alé-Mu, ri laleng Bola-Mu iya mapaccingngé. Nainappa Mupaénré'ka polé ri laleng tasi'é, oh Puwang Allataalaku!

MATIUS 7:25

Wettunna teppa bosié sibawa poléi lempe'é enrengngé anginrajaé munrui bolaéro, iyaro bolaé dé' namaruttung saba' ripatettongngi ri yasé'na batué.