MAZMUR 69:13 - KITTA KAREBA MADECENG

¹³ Mancajika buwa tému ri onronna tau maddeppungengngé, sibawa élonna pammabo-pammabo'é iyanaritu passalenna iyya.

MAZMUR 69:13 ပူးပေါင်းရင်းမြစ်များ

KAJAJIYANG 24:27

Adanna, “Ripojiwi Puwangnge, Allataalana puwakku Abraham. Annessana matinului Puwangnge sibawa mamaséi lao ri puwakku Abraham. Napimpikka matteru lao ri sumpulolona.”

ESTER 5:2

Wettunna naita Ratu Ester ri saliweng, momponi pappojinna lao ri aléna nanatanréyangngi tekkeng ulawenna lao ri aléna. Namalluruna Ester, nagéssai cappa'na tekkengngéro.

ESTER 5:6

Wettunna ménung anggoro, makkutanani arungngé, “Makkekkuwangngé powadani aga muwacinnai. Muwi aga muwéllau uwérékko matu, namuni sitengngana polé ri akkarungekku!”

ESTER 7:2

Makkutanani paimeng arungngé lao ri Ester, nanaénutto anggoro, “Nah, Bainéku, aga muwacinnai? Pasti uwabbéréyangngi matu namuni muwéllauwi sitengngana polé ri akkarungekku.”

MAZMUR 32:6

Rimakkuwannanaro tungke tau matinulué sitinajai massempajang wettunna péneddingi aperiseng, angkanna rékko poléi lémpe asussangngé, dé' nappo'i.

MAZMUR 51:1

Untu' pamimping kor. Mazmur nakarangngé Daud

MAZMUR 91:15

Rékko mangobbii lao ri Iyya, Ubaliwi matu. Ri wettu aperisengngé, Utulungngi matu; Upaleppe'i matu sibawa Uwéréng alebbireng.

MAZMUR 98:3

Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

YESAYA 49:8

Makkedai Puwangnge lao ri umma'-Na, “Ri wettu upuwéloé, mappébalika matu; ri esso mappassalama'-Ku, Utulukko. Ulinrungiko sibawa Ujagai, sibawa Upancaji assijancing untu' bangsa-bangsaé. Upalisui wanuwa iya masino-sinoé mancaji tana mana iya riyonroiyé.

YESAYA 55:6

Lisuno ri Puwangnge ri wettu weddinna mupa; angobbino ri Aléna ri wettu macawé'-Na mupa.

AWATINGENG 3:63

Polé ri éléé lettu ri wennié, ripancajika addicawang.

MIKHA 7:20

Lao ri umma'-Mu, wijanna Abraham sibawa Yakub, Muwappaitangngi matu atinulurem-Mu sibawa pappojim-Mu iya dé'é gaga paggangkannaro pada-pada iya Muwajjanciyangngé lao ri toriyolota riyolo.

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

LUKAS 22:44

Manrasa-rasa senna'ni Yésus secara baténg, angkanna pédé' matonget-tongenni massempajang. Puse'-Na pada-padai daraé tetti ri tanaé.]

2 KORINTUS 6:2

Ri laleng Kitta'é, makkedai Allataala, “Ri wettu iya naéloriyé, purani Uwéngkalingako, sibawa ri esso asalamakengngé, purano Utulukko.” Engngerangngi madécéd-décéng! Makkekkuwangngénna ritu wettu iya nasitujuiéro! Makkekkuwangngénna ritu esso untu' ripassalama'!

IBRANI 5:7

Wettunna Yésus tuwo ri linoéwé, massempajangngi enrengngé maréllauwi sibawa gora kuwaéttopa teri lao ri Allataala, iya mullé mappassalama' polé ri amaténgngé. Nasaba tunru'i ri Allataala sibawa mappakalebbi, nariyéngkalingai.

1 PETRUS 2:23

Iyaro wettué rirodda-roddaiwi, dé' nappébali sibawa makkarodda-karodda. Wettunna manrasa-rasa, dé' nangancang; banna nabbéréyangngi parakara-Na lao ri Allataala, Haking iya adélé'éro.

1 SAMUEL 25:8

Coba tanai bawanni mennang, pasti napattongeng gau'éro. Rimakkuwannanaro, mamménasaka kuwammengngi ana' buwaku ritarimai sibawa madécéng ri bolamu, nasaba poléki ri esso marajaéwé. Wéréng towi ata-atammué sibawa iyya, Daud, sellao makessimmu, agi-agi manuru cenning atimmu.”