3 Allataala paddésu'i mennang lao, pada-pada rumpu iya riseppungngé nateddéng. Pada-pada lilingngé maccolo ri laleng apié, makkuwaniro tau majaé lennye polé ri yolona Allataala.
Untu' pamimping kor. Mazmurna Daud.
Eh sining tau malempué, arennuno sibawa mariyo-riyo nasaba aga iya puraé napogau' Puwangnge. Gorano marennu, éh sininna tau iya malempu atié!
Iyakiya tau majaé binasai matu, teddéngngi matu balinna Puwangnge pada-pada bungaé ri padangngé, lennye'i matu ri laleng rumpué.
Nauwattuju matu ri mézbana Allataala, mangolo ri Allataala assalenna asennangekku. Makkélokka matu sibawa makkacapi, untu' poji-Ko, oh Allataala, Allataalaku.
Ri wettu dé'napa namaingekiwi, cappuni mennang, pada-pada alekale iya manyilaé mupa sibawa dé'pa nabattowa cappu naluttureng anging, samanna iyaro tanet-taneng marakko.
Nainappa sininna tauwé métau matu; napikkiri'i mennang pangkaukenna Allataala sibawa mabbirittangngi aga iya puraé napogau'.
Rékko taggottangngi linoé sibawa sininna pabbnuwana Iyya ritu pakkasse'i alliri-allirinna.”
Akkérennuno, éh sining tau iya malempu atié nasaba aga iya puraé napogau' Puwangnge, sibawa sukkuru'no lao ri Allataala iya mapaccingngé.
Arennuno ri yolona Puwang Allataalamu, silaong ana'-ana'mu, ata-atammu sibawa sining tau Léwié iya monroé ri kota-kotamu, nasaba tau Léwié dé' nalolongeng bagiyang tana ri wanuwammu.
Sitinajako tuli marennu,
Muwamaséiwi Aléna, namuni riyolo dé' muwitai. Sibawa mateppe'ko ri Aléna namuni makkekkuwangngé dé' muwitai. Iyanaro saba'na namarennuko, sibawa pérasaiwi ariyo-riyong iya battowaé sibawa iya dé'é naripowada.
Eh suruga, akkérennuno nasaba ancurukenna kotaéro! Eh umma' Allataala, rasul-rasul sibawa nabi-nabi, akkérennuno! Saba' Allataala pura hukkungngi selaku pamale'na aga iya puraé napogau' lao ri iko!
Laono mai tamariyo-riyo sibawa marennu; laono mai tapojiwi arajan-Na! Saba' narapini esso abottingenna iyaro Ana' Bimbala'é, sibawa bottin-Na sadiyani untu' akawingen-Na.