MAZMUR 67:7 - KITTA KAREBA MADECENG

⁷ Purani nabbéréyang wassélé'na tanaé, Allataala, Allataalata pura barakkakiki.

MAZMUR 67:7 ပူးပေါင်းရင်းမြစ်များ

MAZMUR 22:27

Manréi matu tau kasiyasié gangka messo; tau iya laowé ri Puwangnge pojiwi matu. Tennapodo saléwangekko mannennungeng!

MAZMUR 29:11

Tennapodo Puwangnge mabbéré awatangeng lao ri umma'-Na, sibawa mébbui mennang saléwangeng.

MAZMUR 33:8

Leppessanni sininna linoé métau lao ri Puwangnge sibawa pabbanuwana linoé pakalebbii Aléna.

MAZMUR 65:5

Masennangngi tau iya Mupilé, sibawa iya Muwobbié untu' monro ri Bola-Mu. Ripasipoléngekki matu sibawa sininna iya makessingngé ri Bola-Mu, onrom-Mu iya mapaccingngé.

MAZMUR 72:17

Tennapodo asenna arungngé risénge'i mannennungeng, sibawa ataromporenna tattambai ri wettu engkana mupa mata esso. Tennapodo bangsa-bangsaé méllauwi ribarakkaki pada-pada aléna, sibawa sininna tauwé teppui masennang.

MAZMUR 98:3

Naéngngerangngi pammasé sibawa atinuluren-Na lao ri Israélié, umma'-Na. Sininna bangsaé ri sininna linoé purani naita apakalanna Allataala.

YESAYA 30:23

Rékko mampoko biné, kiringngi matu Puwangnge bosi kuwammengngi natuwo matu iyaro biné sibawa powassélé éngngalang iya maonaé. Untu' Olokolo'mu tassadiyai matu padang wella iya malowangngé.

YESAYA 43:6

Uparéntangngi manorang sibawa yattang, kuwammengngi namasitta mennang rileppessang. Leppessanni ana'-ana' worowanému lisui polé mabéla, sibawa ana'-ana' makkunraimmu lisui polé ri cappa-cappa linoé.

YESAYA 45:22

Eh, sininna pabbanuwana linoé, gilinno lao ri Iyya kuwammengngi naripassalama'ko, saba' banna Iyya Allataala, dé'gaga iya laingngé!

YESAYA 52:10

Nappaitangngi akuwasanna Puwangnge ri yolona matanna sininna bangsaé. Nanasabbingngi sininna linoé asalamakeng polé ri Allataalata.

ANGIMANGENG 26:4

maélo-Ka pateppai bosié ri wettunna, angkanna mabbéréi wassélé tanaé sibawa mabbuwai ajukajungngé.

MIKHA 5:4

sibawa mabbéréi matu adaméngeng. Narékko nagasai tentara Asyur-é wanuwatta sibawa rumpa'i attahangetta, ripangarai matu sining pamimpitta iya kaminang mawatangngé untu' musui mennang. Iyaro sining pamimpitta nacaui matu Asyur sibawa awatangeng senjata, nenniya passalama'ki polé ri limanna mennang.

ZAKHARIA 8:12

Mampoi matu biné sibawa damé. Mabbuwai matu sining pong anggoro'na mennang, mabbéréi matu wassélé tanaé, sibawa teppai matu bosié sibawa maona. Sininna barakka'éro Uwabbéréyangngi lao risining tau iya tuwoé mupa polé ri bangsaéwé.

ZAKHARIA 9:10

Makkkedai Puwangnge, “Uwabbéyangngi karéta-karéta musu polé ri Efraim, sininna anyarangngé ri Yérusalém Upallennye'i matu sibawa sininna panaé Uwancuru'i matu. Nappallebbangengngi matu arummu adaméngengngé ri yelle'na bangsa-bangsaé. Polé ri tasi'é lao ri tasi'é makuwasai matu, polé ri Salo Efrat lettu ri cappa'na linoé.”

MALEAKHI 1:11

Ripakalebbi-Ka ri bangsa-bangsaé ri sininna linoé. Kégi-kégi ritunui dupaé untu' pakalebbii asek-Ku sibawa riyakkasuwiyangeng sining akkarobangeng iya sitinajaé, saba' sininna bangsaé pakalebbi-Ka!

MALEAKHI 4:2

Iyakiya untu' iko iya matinulué lao ri Iyya, akuwasak-Ku iya mappassalama'é mompoi matu pada-pada mata essoé, sibawa tappana mappapoléi ajjappang. Leppe'ko matu sibawa marennu pada-pada ana' saping iya nappaé massu polé ri wakkéé.

RIWAYA'NA RASUL-RASUL-E 13:26

Saudara-saudara wijanna Abraham, sibawa sininna Saudara-saudara laingngé kuwaé iya matinulué ri Allataala! Allataala pura kiringngi lao ri idi karéba asalamakengngéro;

RIWAYA'NA RASUL-RASUL-E 13:47

Saba' iyanaé paréntana Puwangngé lao ri idi; makkedai Puwangngé, ‘Purano Upattentu mancaji séddi tajang lao risining bangsa laing tenniyaé Yahudi, kuwammengngi mumappapolé asalamakeng lao risininna linoé.’ ”

RIWAYA'NA RASUL-RASUL-E 2:28

Purani Muwappaitang ri aléku laleng mattujué ri atuwong tongengngé. Talliwe'-liwe'ni rennukku nasaba engka-Ko sibawakka.’

GALATIA 3:14

Napogau'i Kristus makkuwaéro kuwammengngi nabarakka iya najjanciyangngé Allataala lao ri Abraham nabbéréyang towi lao risining tau tenniyaé Yahudi. Nanallalengiwi, idi iya mateppe'é ri Allataala, naulléi tarimai Roh iya najjanciyangngé Allataalaro.

GALATIA 3:9

Mateppe'i Abraham, naribarakkakiki. Makkuwatoro sininna tau iya mateppe'é, ribarakkakiwi matu silaong Abraham.

WAHYU 15:4

Nigana dé' namétau ri Idi, Puwang? Nigana dé' namaélo mabbirittangngi arajam-Mu? Iko bawang ritu mapaccing. Sininna bangsaé poléi matu sompa-Ko nasaba sining tindakam-Mu iya adélé'é purani naita sininna tauwé.”