MAZMUR 67:4 - KITTA KAREBA MADECENG

⁴ Tennapodo bangsa-bangsaé pojiko, oh Allataala, tennapodo sininna bangsaé sukkuru'i lao ri iko.

MAZMUR 67:4 ပူးပေါင်းရင်းမြစ်များ

KAJAJIYANG 18:25

Aja' nasining tau iya dé'é napasalaro riyunoi silaong iya pasalaé. Aja' Puwang! Saba' rékko tapogau'i Puwang, tau iya dé'é napasala pasti rihukkungngi matu silaong iya pasalaé. Pékkugi makkullé hakinna alangngé tinda' dé' naadélé!”

MAZMUR 2:8

Ellauni, nasininna bangsaé Uwérékko, sibawa sininna linoé Upancajiwi appunnangemmu.

MAZMUR 82:6

Upowadai makkedaé ilahiko iko maneng ana'-ana'na Allataala Iya Pommatanré.

MAZMUR 9:8

Mapparéntai Puwangnge untu' mannennungeng; Napatettongngi akkarungen-Na untu' madélékiwi linoé.

MAZMUR 96:10

Abbirittangngi lao ri bangsa-bangsaé, “Puwangnge ritu Arung! Masse'i linoé tenrigoyang; Naadélékiwi matu bangsa-bangsaé sibawa adélé.”

MAZMUR 98:9

Saba' poléi untu' madélékiwi linoé; Naadélékiwi matu bangsa-bangsaé sibawa adélé enrengngé tongeng.

YESAYA 54:1

Yérusalém, riyolo pada-padako makkunrai manangngé iya dé'é nawedding mémmana. Iyakiya makkekkuwangngé gora-gorano, sibawa akkélonno sibawa marennu! Saba' maéga senna ana'-ana'mu, napakacauri ana'-ana' makkunrai iya dé' narisalai ri lakkaié.

YESAYA 55:4

Sitongenna, Upancajiwi pamimping sibawa pallima, sabbi polé ri akuwasak-Ku untu' bangsa-bangsaé.

YESAYA 60:6

Rikatulungngi wanuwammu ri maéga unta, poléi mennang ri Midian sibawa Efa. Polé ri Syéba tiwii tauwé ulaweng sibawa kamennyang, nanapojiwi pangkaukenna Puwangnge.

RIWAYA'NA RASUL-RASUL-E 17:31

Saba' pura napattentuni séddi wettu untu' madélékiwi sininna linoéwé sibawa adélé. Iyaro jamangngé napogau'i matu séddi tau iya puraé napilé Allataala untu' iyaro. Na kuwammengngi sininna tauwé mateppe'i matu ri gau'éro, purani napatuwo paimeng Allataala iyaro tauwé polé ri amaténgngé!”

ROMA 2:5

Iyakiya matedde atiko sibawa dé' mumaélo tappinra. Rimakkuwannanaro alému muto mébbui pahukkungemmu pédé' tattamba tane'na ri Esso Kiyame', rékko nappaitanni caina Allataala sibawa patatteppai pahukkungemmu iya adélé'é.

GALATIA 4:27

Saba' ri laleng Kitta'é tarokii, “Arennuno iko éh makkunrai manangngé, iya dé'é naengka naémmana! Ariyo-riyono sibawa gora-gorano éh iko iya dé'é naengka napéneddingiwi peddi émmanakengngé! Saba' makkunrai iya risalaiyé ri lakkainna lolongengngi matu lebbi maéga ana' naiya makkunrai iya silollongngé lakkainna.”

ULANGENG 32:43

Eh bangsa-bangsa, pojiwi umma'na Puwangnge, saba' Puwangnge hukkungngi sininna iya mpunoéngngi mennang. Makkabale'i lao ri balin-Na iyakiya maddampengengngi dosana umma'-Na.”