MAZMUR 5:9 - KITTA KAREBA MADECENG

⁹ Oh Puwang, maéga senna balikku! Pimpikka untu' pogau'i élo-Mu, sibawa jello'i lalem-Mu iya harusu'é uwola.

MAZMUR 5:9 ပူးပေါင်းရင်းမြစ်များ

EZRA 8:21

Na ri wirinna Salo Ahawaro uwappallebbangenni makkedaé harusu manengngi mappuwasa sibawa pakariyawai aléna ri yolona Allataala. Massempajakki kuwammengngi napimpikki Allataala ri laleng allalengengngéro, nenniya nalinrungiki, ana'-ana'ta sibawa sininna appunnangetta.

MAZMUR 27:11

Jellokekka élo-Mu, oh Puwang, pimpikka ri laleng iya malempué, saba' maéga senna balikku.

MAZMUR 51:6

Lao ri Iko, lao ri Iko bawang madosaka, sibawa upogau'i aga iya Muwangga'é maja. Nasipato Muhukkukka, adélé'i apettum-Mu.

MAZMUR 52:2

wettunna Doég, tau Edongngé, polé paissengiwi Saul makkedaé lettu'ni Daud ri bolana Abimélékh.

MAZMUR 62:4

Gangka kégi manekko maélo gasai séddié tau iya pada-padaénna renring iya miringngénna sibawa témbo' iya mawé'énna maruttung?

MAZMUR 62:9

Eh bangsaku, amménasako ri Allataala tungke wettu; loloni lise atimmu ri Aléna, saba' Aléna onrotta mallinrung.

MAZMUR 64:6

Makkatenning masse'i mennang ri niya'na majaé, sibawa barunding maélo pasang siyo-siyo; nasengngi mennang dé' gaga mitai.

MAZMUR 69:19

Poléni passalama'ka, paleppe'ka polé risining balikku.

AMSAL 29:5

Niga poji-pojiwi pada-padanna, natangiwi siyo-siyo aléna.

YESAYA 26:7

Tau malempué joppai ri laleng malempué, saba' Iko, Puwang, wajikengngi laleng.

YEREMIA 17:9

Atinna tolinoé dé' nariyullé gangka, kaminang macéko-céko polé risini-sininnaé sibawa masero senna lasana.

YEREMIA 4:14

Yérusalém, abbéyangngi jaé polé ri laleng atimmu kuwammengngi naripassalama'ko. Gangka kégi iyaro sining pikkirang majaé maélo mutaro ri laleng atimmu?

MIKHA 6:12

Sining tau sugié ri kotamu natenre'i tau kasiyasié, sibawa iko maneng pabbellékko.

LUKAS 11:39

Rimakkuwannanaro makkedani Puwang Yésus ri tau Farisiéro, “Mémeng iko sining tau Farisié biyasana mupaccingiwi mangko'é sibawa penné ri saliwenna bawang, iyakiya ri laleng alému penno sibawa apéddarang enrengngé ja.

LUKAS 11:44

Cilakano iko! Pada-padako tampung iya dé'é mésana, iya naléjja'-léjja'é tauwé dé' naissengngi.”

ROMA 3:13

Tigero'na mennang pada-padai tampung tattimpa'é. Bellé massolo polé ri lilana, sibawa témunna mennang mapporokeng pétenna, pada-pada moso ulaé.

1 TESALONIKA 2:5

Alému missengngi makkedaé dé' taengka tamacenning tému iyaré'ga bengnguwakko untu' subbui akkatta-akkatta mangowaé. Allataala sabbinna!