MAZMUR 5:4 - KITTA KAREBA MADECENG

⁴ Saba' ri Iko massempajakka, oh Puwang, éngkalingai pangobbiku ri éléé. Maélé utiwi pakkasuwiyakku sibawa utajeng pappébalim-Mu, oh Puwang.

MAZMUR 5:4 ပူးပေါင်းရင်းမြစ်များ

1 TAWARIKH 29:17

Uwisseng Muojiwi atinna tungke' tauwé sibawa Mupojiwi tau iya mapaccingngé atinna. Matinulu sibawa masennang ati uwakkasuwiyangeng manengngi iyaé lao ri Iko. Purani usabbing pékkugi umma'-Mu iya maddeppungengngé kuwaé tiwii pakkasuwiyanna lao ri Iko sibawa masennang ati.

MAZMUR 101:7

Topabbengnguwangngé dé' nawedding monro ri bolaku; pabbelléngngé dé' matu natahang ri yoloku.

MAZMUR 11:5

Naojiwi Puwangnge tau makessingngé sibawa tau majaé, Nacéccéi tau iya pojiyéngngi ateddekengngé.

MAZMUR 140:13

Uwisseng Muwéréngngi adélékeng tau ri tenre'é, sibawa méwaiwi parakarana tau kasiyasié.

MAZMUR 50:21

Iyanaro mupogau', iyakiya mammekko-Ka bawang, jaji mupikkiri'-Ka pada-pada iko. Iyakiya makkekkuwangngé Ucellako, sibawa sininnaro Upancajiwi manessa ri alému.

MAZMUR 63:2

Oh Allataala, Iko ritu Allataalaku, usappa sibawa uwuddaningi-Ko. Pada-pada tana makabbuttué madekkaiwi uwai, makkuwana'ro madekka lao ri Iko.

MAZMUR 88:14

Iyakiya uwéllauwi pattulum-Mu, oh Puwang, tungke élé mappaénré'ka sempajang ri Iko.

MAZMUR 92:15

aju iya mabbuwaé mupa ri wettu macowana, tette'i manyila matakka.

MAZMUR 94:20

Dé' musiyempe sibawa haking-haking majaé, iya rancangngéngngi jaé situru hukkungngé.

HABAKUK 1:13

Iyakiya pékkugi-Ko tahang mitai sining tau maja iya mabecco'éro? Dé'ga na-Mumapaccing senna untu' mitai jaé? Dé'ga namaja péneddim-Mu mitai dé'é naadélé? Jaji, magi Muwammekko bawang wettunna tau malempué riyancuru ri tomadorakaé?

MALEAKHI 2:17

Muwébbui Allataala najinna sibawa bicarammu. Iyakiya makkutanako, “Pékkugiki pajinnaiwi Puwangnge?” Sibawa makkeda, “Sininna tau iya pogau'éngngi majaé naangga makessing Puwangnge, sibawa naéloriwi mennang.” Iyaré'ga sibawa makkutana, “Kégani Allataala iya riyangga adélé'éro?”

YOHANES 14:23

Nappébali Yésus, “Tau iya mamaséiyékka, naturusiwi pappagguruwak-Ku. Ambo'-Ku mamaséiwi. Ambo'é sibawa Iyya laowi matu ri aléna sibawa monroi sibawangngi.

IBRANI 12:14

Akkuragano untu' tuwo sipammasé-masé sibawa sininna tauwé. Akkuragatokko untu' tuwo mapaccing, banna untu' Puwangngé. Saba' dé' muwi séddi tau mulléi mitai Puwangngé rékko dé' natuwo pada-padaéro.

2 PETRUS 3:13

Iyakiya mattajekki aga iya puraé najjanciyang Allataala, iyanaritu langi mabarué sibawa lino mabarué, kégi engka adélékeng.

WAHYU 21:23

Iyaro kotaé dé' naparellu ritappari mata esso iyaré'ga kéteng, saba' arajanna Allataala tappariwi, sibawa iyaro Ana' Bimbala'é iyanaritu lampunna.

WAHYU 21:27

Iyakiya sining tau iya pogau'éngngi gau'-gau' iya mappakaciddi-ciddi'é iyaré'ga tau iya mabbellé – rippe'na agi-agi iya najisi'é, dé' sises-siseng nauttama ri lalenna. Iya muttama'é matu banna sining tau iya asennaé taroki ri laleng Kitta'na Tau Tuwoé, kitta'na Ana' Bimbala'éro.