MAZMUR 47:4 - KITTA KAREBA MADECENG

⁴ Nawérékki apakalang lao ri bangsa-bangsaé, napancajiki panguwasa ri yasé'na suku-suku bangsaé.

MAZMUR 47:4 ပူးပေါင်းရင်းမြစ်များ

MAZMUR 136:22

mancaji appunnangenna Israélié atan-Na; mannennungengngi pammasé-Na.

MAZMUR 16:3

Upakalebbii sining tau mapaccingngé ri wanuwaéwé; asennangekku iyanaritu monro silaong mennang.

YESAYA 60:15

Dé' narisalaiko matu sibawa ricéccé, sibawa dé' narileppessang mancaji masino-sino. Upancajiko abangkakeng iya mannennungengngé, onrong arennung untu' mannennungeng.

YEREMIA 3:19

Makkedai Puwangnge, “Israélié, macinna-Ka tarimako selaku ana'-Ku, sibawa mpérékko wanuwa iya pasennangiyé, wanuwa iya kaminang makessingngé ri sininna linoé. Macinna-Ka muteppu Ambo', sibawa dé'na mulari polé ri Iyya.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

HOSEA 14:4

Dé' naulléi matu Asyur passalama'ki, sibawa anyarang pammusué dé' naulléi tulukki. Dé'na namakkeda matu lao ri dato'-dato' ébbuta makkedaé mennang Allataalata. Oh Puwang, tamaséiwi sining tau iya dé'é nappunnai niga-niga iya weddingngé mennang nattuwang.”

AMOS 6:8

Nasibawang ateddekeng Puwang Allataala Iya Pommakuwasaé sibawa Pommatanré pura mabbéréyangngi iyaé papparéngngerangngé, “Ucéccé atemponna umma Israélié; dé' Umasennang sibawa sining saorajana iya magelloé. Ibukotana mennang silaong sininna iya engkaé ri lalenna Uwabbéréyangngi matu lao ri balié.”

AMOS 8:7

Puwang, Allataalana bangsa Israélié, purani mattanro, “Dé' sises-siseng Uwallupaiwi matu pangkaukenna mennang iya majaé.

NAHUM 2:2

Tongeng, napalisui matu Puwangnge aga'ganna Israélié, kuwammengngi namancaji pada-pada riyolo, dé'napa narirampo risining balinna.)

MALEAKHI 1:2

Makkedai Puwangnge lao ri umma'-Na, “Uwamaséiko.” Iyakiya mappébaliwi mennang, “Pékkugi Puwangnge mamaséiki?” Mappébaliwi Puwangnge, “Tenniyaga Esau kakana Yakub? Iyakiya Uwamaséiwi Yakub,

MATIUS 25:34

Nainappa makkeda matu iyaro Arungngé lao risining tauwé ri seddé ataun-Na, ‘Laono mai iko iya nabarakkakiyé Ambo'-Ku. Uttama'no ri laleng akkarungeng iya napassadiyangengngékko mappammulai pammulanna linoé.

EFESUS 1:18

Uwéllauwi kuwammengngi Allataala timpa'i pikkirammu angkanna macakka; kuwammengngi mupahangngi aga wedding muwamménasai polé ri Allataala iya mobbiékko. Makkuwatoro kuwammengngi muwissengngi pékkugi tabbollonna barakka-barakka iya magelloé iya napassadiyaé Allataala untu' umma'-Na;

ULANGENG 11:12

Puwang Allataalamu piyarai iyaro wanuwaé sibawa jagaiwi sillampé taungngé.

ULANGENG 33:3

Tongeng, namaséiwi Puwangnge bangsa-Na nalinrungiwi sininna tau iya mancajiyé appunnangen-Na. Laono mai tasuju' ri yolona ajé-Na sibawa turusiwi parénta-parénta-Na.

1 PETRUS 1:4

Mamménasaki untu' mappunnaiwi barakka-barakka iya napassadiyaé Allataala untu' umma'-Na, iyanaritu barakka-barakka iya Nataroé ri surugaé, angkanna dé' naulléi masolang, iyaré'ga mancaji makebbong iyaré'ga lengngé.