MAZMUR 47:3 - KITTA KAREBA MADECENG

³ Saba' Puwang Iya Pommatanré iyanaritu maseroi, Arung Maraja iya makuwasaiyéngngi sininna linoé.

MAZMUR 47:3 ပူးပေါင်းရင်းမြစ်များ

MAZMUR 110:1

Mazmurna Daud. Makkedai Puwangnge lao ri puwakku, “Tudanno ri seddé atauk-Ku, narapi sining balimmu Upatunrukekko.”

MAZMUR 18:47

Tuwoi Puwangnge! Ripojiwi pangéwaingekku! Pakarajai aloppongenna Allataala pappassalama'ku!

MAZMUR 66:5

Poléni sibawa itani pangkaukenna Allataala, mappabengnga tongeng sining winru-Na ri yelle'na tolinoé!

MAZMUR 81:14

Ah, akkalarapanna umma'-Ku maéloi méngkalinga-Ka, akkalarapanna maéloi mapato lao ri Iyya,

MAZMUR 95:3

Saba' Puwangnge iyanaritu Allataala iya marajaé. Arung poré iya cauéngngi sininna déwataé.

MAZMUR 99:2

Makuwasa senna'i Puwangnge ri Sion; marajai ri yasé'na sininna bangsaé.

YEREMIA 10:7

Nigana dé' namaélo mateppe lao ri Iko, arunna sininna bangsaé? Tongeng, sipato senna'-Ko ripakalebbi. Polé ri sininna iya maccaé ri yelle'na bangsa-bangsaé sibawa polé ri sininna arung-ngarunna mennang, dé' muwi séddi wedding ripappadaiyangngi sibawa alé-Mu, oh Puwang.

ZAKHARIA 14:9

Namapparénta matu Puwangnge selaku arung ri sininna linoé; tungke' tauwé nasompai matu Aléna selaku Allataala nenniya missengngi sibawa aseng iya padaé.

MALEAKHI 1:14

Tattanroi topabbelléng iya makkasuwiyangengngé lao ri Iyya olokolo iya dé'é angke'na, rékko ri yelle'na olokolo'na engka olokolo makessing iya puraé najjanciyang lao ri Iyya! Saba' Iyya ritu Arung Maraja, sibawa ripakalebbi ri sininna bangsaé.”

1 KORINTUS 15:25

Harusu'i Kristus mapparénta matteru narapi Allataala napatunru' maneng balinna Kristus lao ri Kristus.

ULANGENG 33:29

Masennakko, éh Israélié! Dé' gaga bangsa iya pada-padaé iko ripassalama ri Puwangnge. Puwangnge pada-padai peddangngé sibawa kaliyawoé lao ri iko; untu' méwaiko sibawa mpérékko apakalang. Sining balimmu poléi matu méllau paressé babuwa, namuléjja-léjja'i matu mennang.”

FILIPI 3:21

Watakkaléta iya malemmaé sibawa weddingngé ancuru'é, napinrai matu Kristus mancaji pada-pada watakkalé-Na iya malebbié. Weddingngi napogau' iyaro nasaba mappunnaiwi akuwasang untu' patunru'i sini-sininnaé.

YOSUA 21:44

Nasituru sibawa aga iya najjanciyangngé Puwangnge lao ri néné-nénéna mennang, iyaro wanuwaé amangngi nasaba nalinrungiwi Puwangnge. Sining balinna mennang dé' muwi séddi mulléi méwai mennang, saba' Puwangnge mpéréngngi apakalang lao ri tau Israélié polé ri sininna balinna.