MAZMUR 41:2 - KITTA KAREBA MADECENG

² Masennangngi tau iya jampangiyéngngi tau iya malemmaé; Puwangnge tulungngi matu ri wettu aperisengngé.

MAZMUR 41:2 ပူးပေါင်းရင်းမြစ်များ

MAZMUR 27:12

Aja' tabbéréyakka lao ri napessunna balikku, iya gasaékka sibawa bellé nenniya pangancang.

MAZMUR 33:19

Napassalama'i mennang polé ri amaténgngé, sibawa patuwoi mennang ri wettu akkadérengngé.

MAZMUR 37:22

Tau iya ribarakkakiyé ri Puwangnge namanai matu iyaro tanaé, iyakiya tau iya Natanroiyé napaddésu'i matu.

AMSAL 11:17

Tau iya makessing atié napasaroi aléna; tau iya mapéddaraé naparogiwi aléna.

AMSAL 14:21

Niga pakatunai tau laingngé, pogau'i dosa; niga makessing ati lao ri tau kasiyasié, masennangngi matu.

AMSAL 19:17

Tulungngi tau kasiyasié pada muwi mappainreng lao ri Puwangnge; Puwangnge matti mpale'i matu.

AMSAL 31:20

Dé' namasékké lao ri iya akurangengngé; makessing atiwi lao ri iya mapparelluwangngé pattulung.

YEREMIA 39:17

Iyakiya Iyya, Puwang, linrungiko. Dé' nariyabbéréyakko matu lao risining tau iya muwétauriyé.

ULANGENG 14:29

Iyaro inanré untu' tau Léwié, nasaba dé' nappunnai mennang tana, na untu' taung laingngé, ana' béué sibawa sining jandaé iya tuwoé ri kota-kotamu. Weddingngi mennang polé sibawa malai sininna iya napparelluwangngé mennang. Rékko mupogau'i makkuwaéro, Puwang Allataalamu barakkakiwi sininna usahamu.”

1 TIMOTIUS 4:8

Latihang watakkalé céddé bawang akkégunana, iyakiya latihang rohanié makkégunai ri laleng sininna gau'é, saba' tampu'i janci untu' atuwong makkekkuwangngé sibawa wettu iya mangoloé.

RUT 2:19

Namakkedana Naomi lao ri aléna, “Kégako lolongeng iya manennaé? Ridare'na nigako majjama iya essoéwé? Tennapodo Allataala barakkakiwi tau iya kédo makessingngé lao ri ikoro!” Nanacuritani Rut lao ri Naomi makkedaé dare onronna mangitté gandonro iyanaritu appunnangenna séddi worowané riyaseng Boas.