MAZMUR 40:7 - KITTA KAREBA MADECENG

⁷ Pakkasuwiyang sibawa akkarobangeng ripatala dé' Mupojiwi, akkarobangeng ritunu sibawa akkarobangeng pappaledda dosa dé' Mutuntu'i. Iyakiya puraka Muwéréng daucculing iya mullééngngi méngkalingai saddam-Mu.

MAZMUR 40:7 ပူးပေါင်းရင်းမြစ်များ

KAJAJIYANG 3:15

Iko sibawa makkunraiéro tuli sibenciko matu, wija-wijanna sibawa wija-wijammu tuli simusui matu. Wija-wijanna naancuru'i matu ulummu, na iko muwokkoi matu amputuna mennang.”

MAZMUR 50:9

Dé' Uwapparelluwang saping polé ri wakkému, iyaré'ga bémbé polé ri olokolo makkonrommu;

MAZMUR 51:18

Dé' muwéloriwi akkarobangeng rigéréé; ébara'na makkasuwiyakka akkarobangeng ritunu, dé' Mupojiwi.

AMSAL 21:3

Pangkaukeng iya adélé'é sibawa tongengngé lebbi napésennangiwi Puwangnge naiya sininna pakkasuwiyangngé.

YESAYA 50:4

Puwang Iya Pommatanré pagguruka mabbicara, kuwammengngi ada-adakku napéwatangiwi tau iya malemmaé. Elé-élé Napatokkong cinnaku untu' mapparéngkalingangngi pappagguruwan-Na ri aléku.

YESAYA 50:5

Puwangnge mpérékka pappéjeppu; dé' umaronta iyaré'ga giling polé ri Aléna.

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

LUKAS 24:44

Purairo makkedani lao ri mennang, “Iyanaé gau'-gau' iya puraé Upowadakko wettuk-Ku sibawa mupo: makkedaé tungke' gau' iya tarokié passalenna Iyya ri laleng Kitta'na Musa, sining Nabié, sibawa Mazmur-é, harusu'i kajajiyang.”

YOHANES 5:39

Muwagguruiwi Kitta'é saba' muwasengngi makkedaé nasibawang caraéro mappunnaiko atuwong mannennungengngé. Na aléna iyaro Kitta'é mabbéré asabbiyang passalek-Ku.

RIWAYA'NA RASUL-RASUL-E 10:43

Sininna nabi-nabié mabbicarai passalen-Na. Makkedai mennang makkedaé sininna tau mateppe'é ri Yésus, riyaddampengengngi matu dosana sibawa akuwasang polé ri Yésus.”

WAHYU 19:10

Tassulunna ri yolona iyaro malaéka'é maélo sompai, iyakiya makkedai lao ri iyya, “Aja'! Aja' musompaka, sompai Allataala! Saba' iyya atato pada-pada iko enrengngé pada-pada sininna saudaramu iya makkatenning masse'é ri asabbiyanna Yésus!” Saba' asabbiyanna Yésusnaro iya panurungengngéngngi tau iya mabbotoé.