MAZMUR 40:3 - KITTA KAREBA MADECENG

³ Nagettekka polé ri kalebbong iya mabbahayaé, polé ri bungka rawa-rawaé. Nataroka ri tompo'na bulu-bulu batué, angkanna mattinetto jongkaku.

MAZMUR 40:3 ပူးပေါင်းရင်းမြစ်များ

MAZMUR 119:133

Pakkasse'i jongkaku situru sibawa jancim-Mu, aja' taleppessakka nakuwasai jaé.

MAZMUR 142:7

Pénessaiwi pangobbiku, saba' manrasa-rasa senna'ka. Passalama'ka polé risining balikku, saba' mawatang senna'i mennang untu' aléku.

MAZMUR 144:9

Uwakkélongek-Ko matu élong baru, oh Allataala, sibawa getti kacapi namakkélotto.

MAZMUR 27:5

Nalinrungika Puwangnge ri wettu aperisengngé; Nasubbuka ri laleng Bola-Na, sibawa naakkaka ri tompo'na bulu batué.

MAZMUR 33:3

Akkélongenni élong baru untu' Puwangnge, acculéyangngi kacapié makessik-kessing nenniya gorano sibawa marennu!

MAZMUR 35:27

Tennapodo tau iya macinnaé mitaka ripattongengngi gora-gora sibawa marennu. Tennapodo mennang makkolik-kolingngi makkeda, “Maraja tongeng Puwangnge! Nacinnaiwi asalamakenna atan-Na!”

MAZMUR 37:23

Napimpingngi Puwangnge tauwé ri laleng iya harusu'é naola, Napakkasse'i tau iya atuwonnaé Naéloriwi.

MAZMUR 52:6

Nasibawang ada-adammu mabbelléko sibawa peddiriwi atinna tauwé!

MAZMUR 69:3

Tassollaka ri rawa iya maliyungngé, dé'na gaga onrong mattuppu. Tallemme'ka ri uwai iya maliyungngé, rialireng ri bombang pasangngé.

HOSEA 3:5

Iyakiya poléi matu wettunna lisui bangsa Israélié lao ri Puwang Allataalana mennang, sibawa lao ri arunna mennang polé ri wijanna Daud. Namétauna matu mennang sibawa mappakalebbi lao ri Puwangnge, enrengngé tarimai sining barakka'-Na.

RIWAYA'NA RASUL-RASUL-E 4:4

Iyakiya sining tau iya méngkalingaéngngi pappagguruwanna iyaro sining rasul-é, maéga mateppe'. Natattambana jumellana mennang narapi kira-kira limassebbu tau.

WAHYU 14:3

Ri yolona kadéra arajangngé, sibawa iya eppa mahlu'é enrengngé sining pamimpingngé ri mattulilinna kadéra arajangngéro, iya 144.000 tauwéro makkélongngi séddi élong iya mabarué. Iyaro élongngé dé' naulléi magguruiwi muwi séddi tau ri lainnaé 144.000 tauwéro, iya puraé ripaleppe polé ri linoé.