MAZMUR 40:2 - KITTA KAREBA MADECENG

² Nasibawang asabbarakeng utajengngi bantuwanna Puwangnge; nainappa napénessaika sibawa méngkalingai pangobbiku.

MAZMUR 40:2 ပူးပေါင်းရင်းမြစ်များ

MAZMUR 116:3

Naancakka bahaya amaténg; appakatau-taurenna amaténgngé luruika, naébbuka mausé sibawa métau.

MAZMUR 119:133

Pakkasse'i jongkaku situru sibawa jancim-Mu, aja' taleppessakka nakuwasai jaé.

MAZMUR 143:3

Purana nalellung balikku sibawa nacauka, sibawa naputtama'ka ri laleng tarungku iya makalemmengngé; mancajika pada-pada tau iya maittaénna maté.

MAZMUR 17:5

Tuli tuwoka situru panunju'-Mu sibawa dé' naléssé polé ri alé-Na.

MAZMUR 18:36

Puwang, Mulinrungika sibawa passalama'ka, nenniya tula'ka sibawa akuwasam-Mu; mancajika tassebbo nasaba tindakam-Mu.

MAZMUR 18:7

Ri laleng aperisekku mangobbika lao ri Puwangnge, Goraka lao ri Allataalaku méllau pattulung. Polé ri Bola-Na Naéngkalingai saddakku sibawa jampangiwi pangobbiku.

MAZMUR 27:5

Nalinrungika Puwangnge ri wettu aperisengngé; Nasubbuka ri laleng Bola-Na, sibawa naakkaka ri tompo'na bulu batué.

MAZMUR 37:23

Napimpingngi Puwangnge tauwé ri laleng iya harusu'é naola, Napakkasse'i tau iya atuwonnaé Naéloriwi.

MAZMUR 61:2

Engkalingai pangobbiku, oh Allataala, pénessaiwi sempajakku.

MAZMUR 69:2

Passalama'ka, oh Allataala, saba' ménré'ni uwai lettu ri ellokku.

MAZMUR 71:20

Muwérékka maéga anrasa-rasang iya matane'é, iyakiya Mupalisui matu awatangekku sibawa paoto'ka polé ri kuburu'é.

MAZMUR 86:13

Saba' tette'-Ko mamaséika sibawa pammasé iya battowaé; purani Mupaleppe nyawaku polé ri kalebbonna kuburu'é.

YESAYA 24:22

Ripaddeppungengngi matu massibawa pada-pada tahanangngé ri laleng liyangngé, sibawa riputtama ri laleng attarungkungngé narapi wettunna untu' rihukkung.

ZAKHARIA 9:11

Makkedai Puwangnge lao ri umma'-Na, “Nasaba assijancing iya Uwébbué sibawa iko, assijancing iya ripaessaé sibawa dara akkarobangeng pakkasuwiyang, Upaleppe'i matu ra'ya'mu iya manrasa-rasaé ri laleng appalirengngé pada-pada tau iya riyurungngé ri laleng bujung marakkoé.

MATIUS 13:50

Nainappa iyaro sining tau majaé ribuwangngi ri laleng dapo makkéapié. Nakkuwanaro matu teri sibawa manrasa-rasa.”

RIWAYA'NA RASUL-RASUL-E 2:24

Iyakiya Allataala patuwoi paimeng polé ri yelle'na sining tau maté. Riyemme'i ri amaténgngé, iyakiya rileppessangngi ri Allataala, saba' dé' nakkullé rikuwasai matteru ri amaténgngé.