MAZMUR 4:3 - KITTA KAREBA MADECENG

³ Eh sining tauwé, siyagapi ittana mupakatunai Allataalaku? Gangka kégi mupojiwi iya siya-siyaé sibawa lellungngi iya dé'é natongeng?

MAZMUR 4:3 ပူးပေါင်းရင်းမြစ်များ

MAZMUR 31:23

Ri laleng alippukku uwasengngi purana nabbéyang Puwangnge polé ri yolo-Na. Iyakiya purani Naéngkalinga paréllaukku wettukku mangobbi ri Aléna.

MAZMUR 34:15

Abélaiwi majaé, pogau'i iya makessingngé, usahakangngi assidaméngengngé sibawa maggangka ullé.

MAZMUR 49:3

muwi tau biyasaé, iyaré'ga tau mariyoloé, muwi tau kasiyasié, iyaré'ga tau sugié.

MAZMUR 50:5

Adan-Na, “Paddeppungengngi sininna umma'-Ku iya puraé siyo assijancing sibawa Iyya, nenniya pakkasse'i sibawa akkarobangeng rigéré.”

MAZMUR 56:9

Mubilangngi esso-esso solléku, sibawa muwisseng jumellana uwai matakku; dé'ga Mubilangngi?

MAZMUR 6:8

Mawuta matakku nasaba messéi, sibawa massalawu nasaba sining balikku.

MAZMUR 62:10

Tolinoé banna siseppung nappase, baiccu battowa pada-padai dé' angke'na. Rékko ritimbangngi, annessana mennang maringengngi, lebbi ringengngi naiya siseppungngé nappase.

ASSURENG 33:16

Pékkugi naissengngi matu tauwé makkedaé Muwélorika sibawa bangsaéwé rékko dé' Mutulukki? Ahadérékenna Puwangnge ri tengnga-tengngata pasilaingekki matu polé ri bangsa-bangsa laingngé ri linoé.”

YOHANES 15:16

Tenniya iko pilé-Ka. Iyya ritu piléko, sibawa suroko lao untu' mabbuwa maéga – buwa-buwa iya dé'é nawedding binasa. Nawérékko Ambo'é agi-agi muwéllau ri Aléna ri laleng asek-Ku.

EFESUS 2:10

Idi iyanaritu winrunaki Allataala, nanaolai Kristus Yésus, nabentu'ki Allataala kuwammengngi naripogau' gau'-gau' iya makessingngé iya puraé napassadiyangekki.

2 TIMOTIUS 2:19

Iyakiya alléjjakenna iya masse'é iya naébbué Allataala dé' nariyullé gottangngi. Ri yasé'na tarokii iyaé, “Naisseng Puwangngé sining tau appunnangen-Na,” sibawa “Tau iya powadaéngngi makkedaé appunnangennai Puwangngé, iyaro tauwé harusu'i mappésau pogau'i pangkaukeng iya salaé”.

TITUS 2:14

Purani nakkarobangeng Aléna untu' idi untu' paleppe'ki polé ri sininna jaé, sibawa pancajiki séddi umma' iya leppe'é polé ri dosaé, iya mancajiyé appunnangen-Na bawang, enrengngé mapato pogau'i makessingngé.

1 PETRUS 2:9

Iyakiya iko iyanaritu bangsa iya ripilé, imang-ngimang iya tumaningiyéngngi Arungngé, bangsa iya mapaccingngé, banna untu' Allataala, umma'na muto Allataala. Allataala piléko sibawa mobbiko massu polé ri pettangngé untu' muttama ri laleng tajanna iya mattappaé, sibawa akkatta kuwammengngi muwappallebbangengngi biritta passalenna sining pangkaukenna iya dé'é padanna.

2 PETRUS 2:9

Jaji, naisseng Puwangngé pékkugi passalama'i sining tau iya turusiyéngngi élo-Na rékko moloiwi paccobang-paccobang. Sibawa naisseng Puwangngé pékkugi taroi sining tau iya majaé untu' risissa ri Esso Pangadilangngé,