MAZMUR 26:4 - KITTA KAREBA MADECENG

⁴ Dé' umaélo maddeppungeng silaong pabbelléngngé, iyaré'ga siwollompollong sibawa tau munapé'é.

MAZMUR 26:4 ပူးပေါင်းရင်းမြစ်များ

AYUB 31:5

Mattanroka makkedaé dé'pa naengka umacéko-céko; dé' topa naengka ubelléi tauwé.

MAZMUR 1:1

Masennangngi tau iya dé'é naccowériwi pangajana tau majaé, dé' nacontoi tau madosaé nenniya dé' nasiwollompollong sibawa tau iya pakatunaéngngi Allataala,

MAZMUR 101:4

Dé' umaélo kédo macéko-céko sibawa dé' umaccowé ri laleng jaé.

MAZMUR 119:115

Eh tau majaé, abélano polé ri iyya! Maéloka turusiwi paréntana Allataalaku.

MAZMUR 119:63

Massellaoka sibawa sininna tau mateppe'é, sininna tau iya pogau'éngngi parénta-Mu.

AMSAL 12:11

Patani iya marejjingngé mappallaung mappunnai maéga inanré, iyakiya tau iya paccappuéngngi wettunna untu' gau' iya dé'é nakkéguna iyanaritu tau madonggo.

AMSAL 13:20

Tau iya siwollompollongngé sibawa tau mapanré, mancaji mapanréi matu; tau iya siwollompollongngé sibawa tau madonggoé, macilakai matu.

AMSAL 9:6

Salaiwi adonggongngé, kuwammengngi mutuwo masennang. Accowériwi lalenna tau mapanré.”

YEREMIA 15:17

Dé' uwaccowé massennas-sennang sibawa sining tau iya maddeppungengngé untu' mabbonga-bonga. Nasaba mapatoka lao ri Iko, naumallaing sibawa macai.

1 KORINTUS 15:33

Aja' muribengnguwang! Assiwollompollongeng iya majaé nasolangi ampé-ampé iya makessingngé.

2 KORINTUS 6:17

Rimakkuwannanaro, salaiwi iyaro sining tau iya dé'é naissengngi Allataala, sibawa pallaingngi alému polé ri mennang. Aja' sises-siseng musisumpung sibawa iya najisi'é, na-Utarimako matu.