MAZMUR 26:3 - KITTA KAREBA MADECENG

³ Tuli uwéngngerangngi matu pammasé-Mu, sibawa tette matinulu lao ri Iko.

MAZMUR 26:3 ပူးပေါင်းရင်းမြစ်များ

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

MAZMUR 101:2

Maéloka puriatiwi atuwo-tuwong iya dé'é cellana. Uppanna polé-Ko ri iyya? Maéloka tuwo mapaccing ri bolaku,

MAZMUR 119:142

Mattahangngi mannennungeng adélékem-Mu, sibawa hukkum-Mu tuli tongengngi.

MAZMUR 25:5

Pagguruka sibawa pimpikka untu' tuwo situru élo-Mu, saba' Iko ritu Allataala iya passalama'ékku, tuli mamménasaka lao ri Iko.

MAZMUR 52:1

Untu' pamimping kor. Elong pappagguruwanna Daud,

MAZMUR 86:11

Appagguruwanni élo-Mu lao ri iyya, oh Puwang, kuwammengngi uwaccowériwi sibawa matinulu; pancajika mateppe sibawa ati mallébu.

YESAYA 2:5

Eh, wija-wijanna Yakub, laono mai tajoppa ri laleng tajanna Puwangnge!

YESAYA 8:20

Baliwi makkuwaé, “Engkalingai pappagguruwanna Puwangnge! Tau iya dé'é nabbicara situru sibawa pappagguruwangngéro, dé' nappunnai amménasang.”

LUKAS 6:36

Sitinajako mamasé pada-pada Ambo'mu mamaséto!”

YOHANES 14:6

Nappébali Yésus, “Iyya'na laleng untu' missengngi Allataala sibawa lolongengngi atuwongngé. Dé' séddi tau mulléi lao ri Ambo'é, rékko dé' naola-Ka.

2 KORINTUS 3:18

Makkekkuwangngé sininna rupatta dé'na naritongko bowong, sibawa idi mattapparengngi acakkarenna Puwang Yésus. Narimakkuwannanaro matteru-teruki ripinra mancaji pada-pada Aléna; pédé' maittaki pédé' mancaji macakkaki. Acakkaretta poléi ri Roh-é, na iyaro Roh-é iyanaritu Puwangngé.

2 KORINTUS 8:9

Saba' muwisseng tongeng makkedaé riyamaséi senna'ki ri Yésus Kristus Puwatta: Aléna sugii, iyakiya napakasiyasiwi Aléna untu' apentingemmu, kuwammengngi nasaba akasiyasin-Naro, namusugi.

EFESUS 4:32

Sibalé'na, sitinajako makessing ati sibawa mapparessé babuwa séddié lao ri laingngé, sibawa sisullé siyaddampengeng pada-padato Allataala maddampengekko naolai Kristus.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.

2 YOHANES 1:4

Marennu senna'ka missengngi makkedaé engka ana'-ana'na Indo' iya tuwoé situru pappagguruwanna Allataala, pada-pada iya puraé napparéntang Allataala Ambo'é lao ri idi.

3 YOHANES 1:11

Saudara iya upojiyé, aja' muturusiwi aga iya majaé. Turusiwi aga iya makessingngé. Tau iya pogau'éngngi iya makessingngé, iyanaritu appunnangennai Allataala. Sibawa tau iya pogau'éngngi iya majaé, dé'pa naissengngi Allataala.