MAZMUR 26:2 - KITTA KAREBA MADECENG

² Salidikika, oh Puwang, sibawa ojika, paréssai cinnaku sibawa pikkirakku.

MAZMUR 26:2 ပူးပေါင်းရင်းမြစ်များ

AYUB 13:23

Siyaga égana asalang sibawa dosa iya upogau'é? Sininna pelanggarakku sitinajai Muteppu!

MAZMUR 17:3

Rékko Muojiwi atikku sibawa polé salidikika ri wennié, Mupoléiwi matu makkedaé mattonget-tongekka; ada-adakku siturui sibawa pikkirakku.

MAZMUR 66:10

Oh Allataala, Iko pura mojiki pada-pada tau patuléngngéngngi péra'é ri laleng apié.

MAZMUR 7:9

Muadélékiwi rupa tauwé; wérékka adélékeng, oh Puwang, saba' dé' upasala.

YEREMIA 20:12

Iyakiya, oh Puwang Iya Pommakuwasaé, Muojiwi tolinoé sibawa adélé; Muwisseng ati sibawa pikkiranna mennang. Rimakkuwannanaro palaloka mita-Ko wale'i jana balié saba' lao ri Iko uwabbéréyangngi parakaraku.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”