MAZMUR 26:1 - KITTA KAREBA MADECENG

¹ Wérékka adélékeng, oh Puwang, saba' tuwoka sibawa malempu ati. Mamménasaka lao ri Puwangnge, sibawa tebbata-bata muwi céddé.

MAZMUR 26:1 ပူးပေါင်းရင်းမြစ်များ

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

AYUB 2:3

Makkutanani Puwangnge, “Aga purani mupénessai atak-Ku Ayub? Ri sininna linoé dé'gaga tau makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé. Tette mupi matinulu ri Iyya, namuni pura-Ka mupalécé cilakaiwi temmakkéalasang.”

AYUB 4:6

Dé'ga mumatinulu lao ri Allataala; dé'ga na atuwommu dé'gaga ricéccéyangngi? Rékko makkuwaitu, sitinajai mateppe'ko sibawa dé' mupettu paddennuwang.

MAZMUR 121:3

Dé' naleppessakko matu menrung, tuli jagai pallinrummu.

MAZMUR 15:2

Tau iya tuwoé temmakkécella sibawa pogau'i iya makessingngé, nasibawang alempureng napowadai tongengngé;

MAZMUR 21:7

Mubarakkakiwi untu' matteru; ahadérékem-Mu mébbui penno ariyo-riyong.

MAZMUR 25:2

oh Allataalaku, mateppe'ka lao ri Iko! Aja' taleppessakka ripakasiri, sibawa rigora-gorai risining balikku.

MAZMUR 25:21

Tennapodo akessingengngé sibawa alempurengngé silaongekka, saba' mamménasaka ri Iko.

MAZMUR 26:11

Iyakiya tuwoka sibawa ati matinulu, amaséika sibawa paleppe'ka.

MAZMUR 28:7

Puwangnge pallinrukku sibawa pangéwaingekku, mateppe'ka ri Aléna. Mattulungngi sibawa pérennuiwi atikku, upojiwi Aléna sibawa élong sukkuru.

MAZMUR 31:14

Kégi-kégi engka mappakatau-taué; uwéngkalingai karéba-karébanna balikku. Sikongkolo'i mennang méwaka, sibawa mébbu rancana untu' mpunoka.

MAZMUR 35:24

Ewaika, saba' adélé'-Ko, oh Puwang Allataalaku, aja' taleppessangngi balié gora-goraika.

MAZMUR 37:31

Hukkunna Allataalana nataroi ri laleng atinna, dé' naléssé polé ri aléna.

MAZMUR 4:5

Ténréni métau sibawa aja' namadosasi. Nennun-nennungngi namumammekkoto, wettu léwumu ri onrong atinrongngé.

MAZMUR 43:1

Wérékka adélékeng, oh Allataala. Ewaiwi ha'ku lao ri bangsa iya madorakaé. Paleppe'ka polé ri tomajaé sibawa pabbellé.

MAZMUR 54:1

Untu' pamimping kor. Naccowéri kacapi. Elong pappagguruwanna Daud,

MAZMUR 62:2

Nasibawang atennangeng nyawaku tajengngi Allataala, polé ri Aléna bawang asalamakekku.

MAZMUR 62:6

Nasibawang atennangeng nyawaku tajengngi Allataala, polé ri Aléna bawang asalamakekku.

MAZMUR 7:8

Paddeppungenni bangsa-bangsaé ri mattulilim-Mu, sibawa akuwasaini mennang polé ri kadéra arajam-Mu ri surugaé.

MAZMUR 94:18

Wettukku mappikkiri makkedaé sempé'ka matu, pammasé-Mu, Puwang, mébbuka tettong masse.

AMSAL 20:7

Maupe'i ana'-ana'é rékko mappunnaiwi ambo' iya makessingngé sibawa tuwo malempu.

AMSAL 29:25

Métau ri pallolongenna tauwé, addimonrinna asussang. Ateppe'no ri Puwangnge, namuamang matu.

2 KORINTUS 1:12

Masenna'ki, saba' ati marilaletta pannessai makkedaé atuwotta ri linoéwé – utamana assisumpungetta sibawa Saudara – ripogau'i sibawa matinulu enrengngé mattonget-tongeng. Ripogau'i iyaro tenniya nasaba apanréng tolino, iyakiya nasaba amampungeng iya nabbéréyangngé Allataala.

IBRANI 10:23

Sitinajaki makkatenning masse ri amménasang iya tangakuiyé, saba' weddingngi riyatepperi Allataala rupaiwi jancin-Na.

1 PETRUS 1:5

Iya manenna iyanaritu untu'mu, nasaba mateppe'ko ri Allataala. Narijagaiko sibawa akuwasanna Allataala kuwammengngi mutarimai asalamakeng iya sadiyaénna ripannessa ri ahéra' matti.

2 PETRUS 1:10

Rimakkuwannanaro, Saudara-saudara, akkuragano lebbi rejjing kuwammengngi pangobbina Allataala sibawa pappilé-Na ri ikoro mancajiwi pédé' masse. Rékko mupogau'i iyaro, dé' matu musalai atepperemmu.

1 SAMUEL 2:9

Tau matinulué tuli amangngi ri laleng allinrungenna Puwangnge. Iyakiya iya majaé ancuru'i binasa ri laleng kalemmengngé sibawa pettak-kape'é. Awatangeng ri alé dé' nawedding riyattuwang, awatangenna tolinoé dé' nabbéré apakalang.

1 SAMUEL 24:15

Pénessaini atattaé iya maéloé riyuno ri arunna Israélié! Itani atattaé iya tuli rilellungngé! Atatta banna sikaju asu maté, séddimi utu bawang.