MAZMUR 22:8 - KITTA KAREBA MADECENG

⁸ Sininna iya mitaékka méllékéllé'ka, mabbuwé sibawa paccilic-cilingngi ulunna.

MAZMUR 22:8 ပူးပေါင်းရင်းမြစ်များ

AYUB 16:4

Akkalarapanna ikoé iyya, na iyya iko, wedding tokka mabbicara pada-pada iyaro. Ulémpekiko sibawa ada-ada; upaccilic-cilingngi matu ulukku.

MAZMUR 109:25

Sining tau iya mitaékka napakatunaka nanapaccilic-ciling towi ulunna.

MAZMUR 18:19

Nagasaka mennang wettukku nakenna abala, iyakiya Puwangnge mancaji pattulukku.

MAZMUR 37:5

Abbéréyangngi atuwommu lao ri Puwangnge, amménasano ri Aléna, Nanatulukko matu.

MAZMUR 42:10

Makkedaka lao ri Allataala, pangéwaingekku, “Magi Muwallupaika? Magi naharusu'ka matteru manrasa-rasa, nasaba ritenre risining balikku?”

MAZMUR 55:22

Ada-adanna alusu mappalécé, iyakiya ri laleng atinna engka paccéccé. Bicaranna malemma, iyakiya mattoddo pada-pada peddang iya macéru'é.

MAZMUR 71:11

Adanna mennang, “Risalaini ri Allataala; laono mai talellungngi sibawa tatikkengngi, saba' dé'gaga passalama'i.”

MAZMUR 91:14

Adanna Puwangnge, “Tau iya pojiyékko Upassalama'i matu, iya mangakuiyék-Ka Ulinrungiwi matu.

AMSAL 16:3

Appaddettangenni lao ri Puwangnge sininna rancanamu, namumallolongeng matu pogau'i.

YESAYA 42:1

Adanna Puwangnge, “Iyanaé atak-Ku iya Usokongngé, tau upilé-Ku iya sennangiyéngngi atik-Ku. Purani Uwéréng akuwasak-Ku lao ri aléna, untu' tiwi adélékeng lao ri tungke bangsaé.

MATIUS 12:18

“Iyanaé suro-Ku Upilé, Tau iya Uwamaséiyé sibawa nasitujuiyé atik-Ku. Uwéréngngi matu Roh-Ku ri Aléna, Nabbirittangngi matu adélékek-Ku ri bangsa-bangsaé.

MATIUS 17:5

Ri wettu mabbicarana mupa Pétrus, ellung iya macakka senna'é salipuriwi mennang, na polé ri ellungngéro, naéngkalingai saddaé makkeda, “Iyanaé Ana'-Ku iya Uwamaséiyé. Napésennangiwi atik-Ku. Engkalingai Aléna!”

MATIUS 3:17

Nainappa naéngkalingani saddanna Allataala makkeda, “Iyanaé Ana'-Ku iya Uwamaséiyé. Napésennangi atik-Ku.”

LUKAS 23:35

Pada tettonni tauwé kuwaro makkita-ita, nasining pamimpinna Yahudié méllékéllé'i Yésus sibawa makkeda, “Purani napassalama' tau laingngé; cobani makkekkuwangngé passalama'i alé-Mu, rékko tonget-tongengngi Arung Pappassalama' iya napilé Allataala!”