MAZMUR 20:2 - KITTA KAREBA MADECENG

² Tennapodo nabaliko Puwangnge ri wettu aperisengngé, tennapodo akuwasanna Allataalana Yakub linrungiko!

MAZMUR 20:2 ပူးပေါင်းရင်းမြစ်များ

2 SAMUEL 5:7

Makkedani Daud lao ri ana' buwana, “Engkaga kuwaé tau iya benciyéngngi tau Yébus-é pada-pada ubencinna mennang? Cuku'ga paccéccénna angkanna macinna senna'i mpunoi mennang? Rékko makkuwaitu, uttama'no lalo ri balombong uwai namugasai sining tau képpangngé sibawa butaé iya ucéccéro.” (Iyanaro saba'na nakkeda tauwé, “Tau butaé sibawa tau képpangngé dé' nawedding muttama ri Bolana Puwangnge.”) Naulléni Daud sittaiwi bénténg Sion sibawa tudangiwi. Nasenni “Kota Daud”. Iyaro kotaé napatettongngi ri mattulilinna bénténgngéro, mappammulai ri seddé alauna bulu-bulu iya ripakatanré sibawa tana.

2 SAMUEL 6:17

Iyaro Petti Assijancingngé napalénne'i ri onronna ri laleng kéma iya puraé napasang Daud untu' Pettiéro. Nainappa makkasuwiyang Daud akkarobangeng ritunu sibawa akkarobangeng pappasidamé lao ri Puwangnge.

1 ARUNG-NGARUNG 6:16

Ri laleng bolaéro, ri munri riyébburengngi bili' sibawa pasang renring pallacce polé ri aju camaraé, mappammulai ri témbo'na lettu ri sampe'na. Iyaro bili'é riyasengngi Bili' Pommapaccingngé; lampéna aséra météré.

MAZMUR 3:4

Iyakiya Iko, oh Puwang, iyanaritu kaliyawo iya linrungiyékka. Muwérékka apakalang, sibawa Mupakaloppoi atikku.

MAZMUR 54:3

Oh Allataala, passalama'ka nasaba akuwasam-Mu, wérékka adélékeng nasaba awatangem-Mu.

MAZMUR 73:17

Angkanna muttama'ka ri Bolana Puwangnge, nainappa uwajeppui accappurenna tau majaé.

AMSAL 18:10

Iyaro Puwangnge pada-padai manara iya masse'é; kuwaniro lao tau malempué sibawa lolongeng onrong iya amangngé.

YESAYA 12:6

Gora-gorano éh pabbanuwana Sion, akkélonno sibawa marennu. Allataala mapaccinna Israélié malebbi tongeng, monroi ri tengnga-tengngamu.”

YESAYA 14:32

Pappébali aga riwéréngngi matu sining suro iya polé ri bangsa Filistingngé? Tapowadangngi matu mennang makkedaé purani napatettong Puwangnge Sion, sibawa umma'-Na iya manrasa-rasaé lolongengngi matu allinrungeng kuwaro.