MAZMUR 18:9 - KITTA KAREBA MADECENG

⁹ Mapporo' rumpué polé ri sebbo inge'-Na, api sibawa bara massu polé ri bawa-Na.

MAZMUR 18:9 ပူးပေါင်းရင်းမြစ်များ

ULANGENG 33:26

“Eh Israél! Dé' gaga déwata pada-pada Allataalamu; nalléttoiwi langié sibawa maraja sibawa bettui ellungngé untu' tulukko.

WAHYU 20:11

Purairo uwitani séuwa kadéra arajang puté iya battowaé sibawa Aléna iya tudangngé ri yasé'na. Lennye'i langié sibawa linoé polé ri yolo-Na, angkanna dé'na napaitana.

2 PETRUS 3:10

Iyakiya Esso apolénna Puwangngé poléi matu pada-pada pangaé. Iyaro Essoé, lennye'i matu langié sibawa oni memmu sibawa anu engkaé ri langié cappui matu ritunu, enrengngé linoé sibawa sininna iya engkaé ri lalenna lennye'i matu.

IBRANI 12:26

Iyaro wettué saddan-Na pawéwangngi tanaé. Iyakiya makkekkuwangngé majjanciwi, “Siseppi, maélo-Ka mappawéwang, tenniya bawang tanaé iyakiya langiétto.”

YOHANES 13:7

Nappébali Yésus, “Dé' mupahangngi. Makkekkuwangngé aga iya Upogau'é, iyakiya mupahang muwatu matu.”

MARKUS 15:33

Ri tangassona essoé, tellujjang ittana sininna wanuwaéro mapettang.

MATIUS 24:29

“Dé' namaitta purana asussangngéro, mapettangngi matu mata essoé, sibawa dé' nattappa kétengngé. Maddenne'i matu sining wéttowingngé, sibawa sining panguwasaé ri bétaraé kacauwi matu.

YOEL 3:16

Mangngaungngi Puwangnge polé ri Sion, bulu-Na; polé ri Yérusalém magguttui saddan-Na. Taggottang langié sibawa linoé nasaba Aléna. Iyakiya tette'i matu Puwangnge méwaiwi sibawa linrungiwi Israélié, umma'-Na.

2 SAMUEL 22:10

Napuwé'i langié, nananonno-Na, nasibawang ellung mapettang ri yawana ajé-Na.

YESAYA 51:6

Itani langié sibawa tiroi linoé; lennye'i matu langié pada-pada rumpué sibawa malusai matu linoé pada-pada waju cowaé, matéi matu sininna pabbanuwana pada-pada namo'é. Iyakiya asalamakeng iya Uwabbéréyangngé tette'i mannennungeng, sibawa apakalak-Ku dé' namaccappa matu.

MAZMUR 68:4

Iyakiya tau malempué mariyo-riyoi sibawa marennu, gora-gorai mennang mariyo-riyo ri yolona Allataala.

ASSURENG 19:18

Natongko manenni rumpu Bulu Sinai, nasaba nonnoi Puwangnge ri tompo'na ri laleng apié. Iyaro rumpué maddumpuni pada-pada rumpu polé ri onrong attunungngé, sibawa taggottanni masero senna sininna bulué.

MAZMUR 50:3

Poléi Allataalata sibawa dé' naonro mammekko, ripoddiyoloi ri api iya mallépe-lépe'é, sibawa riyattulilingi ri anginraja iya maseroé.

MAZMUR 97:3

Makkalolo apié ri yolo-Na, mangurengngi balié ri mattulilin-Na.

YESAYA 66:15

Tongeng, poléi matu Puwangnge sibawa api; Natonangiwi matu karéta-Na pada-pada anginrajaé, untu' pallessui cai-Na, nenniya makkampareng sibawa maladde.