MAZMUR 17:3 - KITTA KAREBA MADECENG

³ Rékko Muojiwi atikku sibawa polé salidikika ri wennié, Mupoléiwi matu makkedaé mattonget-tongekka; ada-adakku siturui sibawa pikkirakku.

MAZMUR 17:3 ပူးပေါင်းရင်းမြစ်များ

1 TAWARIKH 28:9

Nainappa lao ri Salomo, makkedai Daud, “Ana'ku, sitinajai Allataala iya nasompaé ambo'mu, muwakuiwi selaku Allataalamu. Harusu'ko mattumani lao ri Aléna sibawa matinulu nenniya macenning ati. Saba' Naisseng manengngi pikkirangngé sibawa cinnana atitta. Rékko musappai, muruntu'i matu, iyakiya rékko musalaiwi, Nasampéyakko matu lettu mannennungeng.

1 TAWARIKH 29:17

Uwisseng Muojiwi atinna tungke' tauwé sibawa Mupojiwi tau iya mapaccingngé atinna. Matinulu sibawa masennang ati uwakkasuwiyangeng manengngi iyaé lao ri Iko. Purani usabbing pékkugi umma'-Mu iya maddeppungengngé kuwaé tiwii pakkasuwiyanna lao ri Iko sibawa masennang ati.

AYUB 23:10

Iyakiya Naissengngi sininna lalekku makkuwatoro tungke' jongkaku. Rékko riojika pada-pada ulawengngé, pabuttiwi matu makkedaé mapaccingngi atikku.

AYUB 24:14

Ri subué moto'i pabbunoé polé ri atinronna, nainappa massu mpunoi tau iya kasiyasié, na ri wettu dé'napa na élé, coco-coco'i pada-pada pangaé.

MAZMUR 11:5

Naojiwi Puwangnge tau makessingngé sibawa tau majaé, Nacéccéi tau iya pojiyéngngi ateddekengngé.

MAZMUR 119:106

Iya uwajjanciyangngé sibawa tanro urupaiwi matu, untu' makkatenning ri apettum-Mu iya adélé'é.

MAZMUR 139:1

Untu' pamimping kor. Mazmurna Daud. Oh Puwang, Muwellungika sibawa missekka.

MAZMUR 139:23

Salidikika oh Allataala, wellungiwi atikku, ojika sibawa issengngi pikkirakku.

MAZMUR 16:7

Upojiwi Puwang iya pangajariyékka; muwi ri wennié napangajarika sadda atikku.

MAZMUR 26:2

Salidikika, oh Puwang, sibawa ojika, paréssai cinnaku sibawa pikkirakku.

MAZMUR 39:1

Untu' pamimping kor. Mazmurna Daud. Untu' Yédutun.

MAZMUR 66:10

Oh Allataala, Iko pura mojiki pada-pada tau patuléngngéngngi péra'é ri laleng apié.

MAZMUR 7:4

Puwang Allataalaku, ébara'na macéko-cékoka, kédo maja lao ri rangengngé, iyaré'ga naparogiwi balié temmakkéalasang, ébara'na upogau'i makkuwaéro,

AMSAL 13:3

Tau iya matutué ri laleng ada-adanna amangngi matu atuwonna; tau iya mabbicaraé sembarangang nakennai matu abala.

YEREMIA 12:3

Iyakiya Iko, oh Puwang, missekka. Muwitai aga upogau', sibawa Muwisseng pékkugi perasaanna atikku lao ri Iko. Assarénréngengngi sining tau majaéro massu, tiwii mennang pada-pada bimbala'é lao ri aggérékengngé. Jagaiwi mennang narapi wettunna rigéré.

YEREMIA 50:20

Iyaro wettué Israélié sibawa Yéhuda mapaccingngi matu polé ri dosaé, nasaba Iyya matu maddampengengngi sining tau iya puraé Upassalama. Iyya, Puwang pura mabbicara.”

HOSEA 7:6

Pada-pada apié ri laleng dapoé makkuwaniro niya' majana sibawa caina mennang mabbara ri laleng atinna puppu benni, na ri éléé mallumpai mancaji luwa' api iya majjallo'é.

MIKHA 2:1

Macilakai sining tau iya rancanaéngngi majaé ri wettu léwuna ri onrong atinrongngé ri wennié, nainappa napogau' ri éléé nasaba mappunnaiwi mennang awatangeng untu' pogau'i.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”

MALEAKHI 3:2

Iyakiya nigana mulléi tahang ri esso poléna Puwangnge sibawa mappaitangngi Aléna? Saba' pada-padai apinna panré paccelloé, sibawa pada-pada sabunna tukang ménatué.

RIWAYA'NA RASUL-RASUL-E 11:23

Na wettunna Barnabas lettu kuwaro, sibawa naitana pékkugi Allataala pura barakkakiwi sining tauwéro, marennu senna'ni. Nanaéllauni kuwammengngi nattonget-tongeng matinulu lao ri Puwangngé sibawa sukku atinna.

RIWAYA'NA RASUL-RASUL-E 16:9

Wenninnana, ri Troas, mitani Paulus séuwa pakkitang. Ri laleng pakkitangngéro naitai séddi tau Makedonia tettong ri yolona nanaréllau sibawa masero kuwammengngi nalao ri Makedonia untu' tulungngi mennang.

1 KORINTUS 4:4

Dé' uwasengngi aléku pasala muwi ri laleng aga, iyakiya iyaro tenniya buttinna makkedaé mémekka dé' upassala. Aléna Puwangngé ritu iya pattentuéngngi pasalaka iyaré'ga dé'.

2 KORINTUS 1:12

Masenna'ki, saba' ati marilaletta pannessai makkedaé atuwotta ri linoéwé – utamana assisumpungetta sibawa Saudara – ripogau'i sibawa matinulu enrengngé mattonget-tongeng. Ripogau'i iyaro tenniya nasaba apanréng tolino, iyakiya nasaba amampungeng iya nabbéréyangngé Allataala.

YAKOBUS 3:2

Idi manengngé biyasaki pogau' asalang. Iyakiya tau iya dé'é naengka napogau' asalang sibawa ada-adanna, iyanaritu tau iya sukkué, iya mullé kuwasai manengngi aléna.

1 PETRUS 1:7

Akkattana iyanaritu pabuttiwi tonget-tongekkoga mateppe' ri Puwangngé iyaré'ga dé'. Muwi ulaweng iya weddingngé masolang, riojiwi sibawa api. Nah, teppe'mu lebbi mangke'i naiya ulawengngé, jaji harusu towi rioji kuwammengngi nancaji mattinetto. Nanallalengiro murioji matu enrengngé ripakalebbi kuwaéttopa ripakatanré ri Essona Yésus Kristus polé paimeng.

1 SAMUEL 24:10

Nagilinna Saul limonri nasuju' Daud sibawa mappakalebbi nainappa makkeda, “Magi Datu naéngkalingai bicaranna tau iya powadaéngngi makkedaé maéloi atatta cilakaiwi Datu?

1 SAMUEL 24:12

Itani, ambo'ku! Itani addettekeng jumba Datu iya nakkatenningngé atattaé! Sitongenna naullé atatta mpunoi Datu, iyakiya atatta banna narette'i céddé wiring jumba Datu. Jaji, manessani makkedaé atatta dé' namakkatta maja iyaré'ga madoraka. Nalellungngi Datu atatta untu' mpunoi atatta, namuni atatta dé' napasala muwi céddé lao ri Datu.

1 SAMUEL 26:11

Tennapodo Puwangnge pésangkaika mpunoi arung iya Napilé! Alani bawang bessinna sibawa kendinna, natalao!”

1 SAMUEL 26:23

Puwangnge barakkakiwi matu tungke' tau iya matinulué sibawa malempu. Saba' namuni iyaé essoé nabbéréyangngi Puwangnge Puwakku lao ri atatta, iyakiya dé' namaélo atatta pogau'i majaé lao ri Datu, arung napiléna Puwangnge.