MAZMUR 148:9 - KITTA KAREBA MADECENG

⁹ Pojiwi Aléna, éh bulu-bulu sibawa sining bulu, pong buwa-buwaé sibawa sininna ale'é;

MAZMUR 148:9 ပူးပေါင်းရင်းမြစ်များ

YESAYA 42:11

Sitinajai padang kessi'é sibawa kota-kotana pojiwi Puwangnge, makessinni pabbanuwana Kédar pojiwi Aléna! Sitinajai pabbanuwana kota Séla gora-gora, sibawa mangobbi-obbi polé ri tompo bulué!

YESAYA 44:23

Gorano marennu, éh langi, Gora-gorano, éh bagiyang lalenna linoé! Gorano marennu, éh sining bulu! makkuwatoro ale'é sibawa tungke ajué ri lalenna! Saba' purani Puwangnge nappaitang arajan-Na ri laleng napaleppe'na Israélié umma'-Na.

YESAYA 49:13

Akkélonno éh langi, gorano éh lino, éh sining bulu, gorano marennu! Saba' poléi Puwangnge saléworiwi umma'-Na, Namaséiwi umma'-Na iya ritenre'é.

YESAYA 64:1

Sapé'i langié natanonno, oh Puwang, ébbui sining bulué taggottang ri yolo-Mu,