MAZMUR 148:4 - KITTA KAREBA MADECENG

⁴ Pojiwi Aléna, éh langi iya kaminang matanré, pojiwi Aléna, éh uwai ri yasé'na langié!

MAZMUR 148:4 ပူးပေါင်းရင်းမြစ်များ

KAJAJIYANG 1:6

Nanakkeda Allataala, “Ancajino séuwa kubah untu' bagéi uwai mancaji duwa, sibawa tahangngi ri laleng duwa onrong mallaisengngé.” Nakajajiyanna gau'éro. Makkuwaniro Allataala pancajiwi kubah-é iya passarangngéngngi uwai iya engkaé ri yawana sibawa ri yasé'na.

KAJAJIYANG 7:11

Wettunna Nuh makkéumuru 600 taung, ri tanggala seppulona pitu uleng duwa, mareppa'ni sininna mata uwai ri yawana linoé. Sininna tange uwai ri langié tattimpa'ni,

1 ARUNG-NGARUNG 8:27

Iyakiya, oh Allataala, maélo tongekkoga monro ri linoéwé? Namuwi sininna langié dé'to nagenne lowanna untu' alé-Mu, apalagi bola assompang iya upatettongngéwé!

2 TAWARIKH 2:5

Macinnaka kuwammengngi Bolana Puwangnge iya maéloé ripatettonro sinrupai bola iya marajaé, saba' lebbi marajai Allataala naiya muwi déwata aga.

NEHEMIA 9:6

Nainappa massempajang umma Israélié makkuwaé, “Ikonaritu Puwang, Ikonaritu Iya Posséuwaé; Mupancajiwi wéttowingngé sibawa sininna bitaraé, makkuwatoro tasi'é sibawa linoé enrengngé sininna lise'na, nainappa Muwéréng atuwong sibawa Mupiyarai. Ri Alému sininna akuwasangngé ri langié suju'i massompa; tunru'i mennang ri Iko sibawa manyara.

MAZMUR 104:3

sibawa patettongngi bolamu ri tompo'na uwai ri langié. Ellungngé Mupancaji karéta-Mu, Mutonangiwi pannina angingngé.

MAZMUR 113:6

Iyakiya napabbukku'i Aléna untu' mitai langié sibawa linoé.

MAZMUR 68:33

Akkélongenni Allataala, éh sininng akkarungengngé, puwélonni pappoji-pojiyangngé untu' Puwangnge,

MAZMUR 69:35

Pojiwi Allataala, éh langi sibawa linoé, tasi'é sibawa sininna mahlu'é ri lalenna.

2 KORINTUS 12:2

Uwisseng séddi tau Kristéng iya seppulo eppa taung labe'é riyakka ménré ri onrong iya kaminang matanré. (Dé' uwissengngi tonget-tongeggi watakkaléna tarakka iyaré'ga iyaro banna séddi pakkitang – Allataala bawang missengngi.)

ULANGENG 10:14

Puwang Allataalamu mappunnaiwi langi kaminang matanré; muwi linoé appunnangennato lollong sininna iya engkaé ri tompo'na.