MAZMUR 140:9 - KITTA KAREBA MADECENG

⁹ Aja' Mutarimai paréllaunna tau majaé, oh Puwang, aja' taleppessangngi papolé wassélé rancanana mennang.

MAZMUR 140:9 ပူးပေါင်းရင်းမြစ်များ

ESTER 5:14

Naéngkalinganaro bainéna sibawa sininna sellao-sellaona nappétangngarenni makkuwaé, “Suro bawanni mébbu alliri aggattungeng sittanré duwappulo duwa météré. Nainappa pappa bajana, maéléno méllau palalo ri arungngé untu' gattungngi Mordékhai ri alliriéro. Nanallalengiwi weddikko lao ri perjamuwangngéro sibawa ati iya tennangngé.” Iyaro tangngaé makessing senna manuru pallolongenna Haman, rimakkuwannanaro nassurowanni masitta mébbui alliri aggattungengngéro.

ESTER 7:10

Makkuwaniro Haman rigattung ri alliri iya puraé napatettong untu' Mordékhai. Puramaniro nappai soro caina arungngé.

MAZMUR 64:8

Iyakiya Allataala mattémbakengngi pana-Na lao ri mennang, natennasenna-sennai maloi mennang.

MAZMUR 7:16

Kaliwi kalebbong untu' tau laingngé, iyakiya aléna muto sempé ri lalenna.

MAZMUR 94:23

Nahukkungngi tau majaé situru jana, sibawa mammekkoi mennang nasaba dosana. Puwang Allataalata pammekkoi matu mennang.

AMSAL 10:11

Warékkadanna tau makessingngé naébbui atuwongngé masennang, iyakiya ri munrinna ada-adanna tau majaé tassubbui ati iya majaé.

AMSAL 10:6

Tau makessingngé lolongengngi barakka. Tassubbui apéddarangngé ri munrinna ada-adanna tau majaé.

AMSAL 12:13

Tau majaé tassiyoi ri ada-ada maja iya napowadaé; tau makessingngé leppe'i polé ri asukkarakengngé.

AMSAL 18:7

Adanna tau madonggoé naancuru'i aléna; nalai siyo polé ri ada-adanna.

MATIUS 27:25

Nappébali iya maneng tau maégaéro, “Leppessanni idi sibawa ana'-ana'ta tanggungngi pahukkungengngé nasaba amatén-Na!”

ULANGENG 32:27

Iyakiya dé' Umaélo matempo balinna Israélié; ajakké mennang kacéléi sibawa makkeda makkedaé nacaui mennang umma'-Ku,’ padahal iyya ritu pogau'i.