MAZMUR 140:7 - KITTA KAREBA MADECENG

⁷ Oh Puwang, makkedaka: Iko ritu Allataalaku, jampangiwi sempajang paréllaukku.

MAZMUR 140:7 ပူးပေါင်းရင်းမြစ်များ

2 SAMUEL 8:14

Patettonni akkémang-akkémang tentara risininna Edom, sibawa iyaro sining tau Edongngé tunru'ni ri aléna. Puwangnge mpéréngngi apakalang Daud kégi-kégi mammusu.

2 SAMUEL 8:6

Nainappa Daud patettong akkémang-akkémang tentara ri laleng daérana mennang, natunru'na mennang sibawa makkamaja pakkasuwiyang lao ri aléna. Puwangnge mpéréngngi apakalang Daud kégi-kégi mammusu.

MAZMUR 144:10

Muwéréngngi apakalang arung-ngarungngé, sibawa paleppe'i Daud atam-Mu.

MAZMUR 18:35

Nalatika untu' mammusu, angkanna uwulléi paggettengngi pana iya kaminang mawatangngé.

MAZMUR 27:1

Mazmurna Daud. Puwangnge iyanaritu cahayaku sibawa asalamakekku, dé'gaga iya uwétauriyé. Puwangnge iyanaritu bénténg allinrungekku, dé' matu umétau.

MAZMUR 31:15

Iyakiya maddennuwakka ri Iko, oh Puwang, saba' Iko ritu Allataalaku.

MAZMUR 59:17

Iyakiya makkélokka passalenna awatangem-Mu; tungke élé makkélokka sibawa macenno passalenna pammasé sibawa atinulurem-Mu. Saba' Iko ritu onrong allaringekku, onrokku mallinrung ri wettu sussaé.

MAZMUR 62:2

Nasibawang atennangeng nyawaku tajengngi Allataala, polé ri Aléna bawang asalamakekku.

MAZMUR 62:7

Banna Aléna linrungika sibawa passalama'ka; Aléna pangéwaingekku, dé' matu ugoyang.

MAZMUR 89:26

Ulowangiwi matu akkarungenna, polé ri Tasi Tengngaé lettu ri Salo Efrat.

MAZMUR 95:1

Laono mai tamakkélong untu' Puwangnge, gora-gora untu' pappassalama'ta!

YESAYA 12:2

Tongeng, iyaro Allataala Pappassalama'ku, mateppe'ka lao ri Aléna. Dé' umétau, saba' Napéwatangika. Pappassalama'ku iyanaritu Allataala, untu' Aléna umakkélong.