MAZMUR 140:6 - KITTA KAREBA MADECENG

⁶ Mammekko-mekkoi tau matempoé tangika siyo, sibawa pallebba jala untu' tikkekka. Puppu laleng mennang mattang jebba untu' jebba'ka.

MAZMUR 140:6 ပူးပေါင်းရင်းမြစ်များ

MAZMUR 116:1

Uwéloriwi Puwangnge, saba' Naéngkalingaka sibawa jampangiwi paréllaukku.

MAZMUR 119:57

Iko bawang uwacinnai, oh Puwang, majjancika maélo pogau'i pappagguruwam-Mu.

MAZMUR 130:2

Puwang, éngkalingai pangobbiku, pénessaiwi paréllaukku.

MAZMUR 142:4

Wettukku céddé pettu paddennuwang, Muwisseng aga harusu upogau'. Ri laleng iya harusu'é uwola, mammekko-mekkoi balié tangika siyo.

MAZMUR 142:5

Wettukku makkita libenréng, uwitai dé'gaga bantuwang untu' aléku. Dé'gaga linrungika, iyaré'ga jampangiyéngngi aléku.

MAZMUR 143:1

Mazmurna Daud. Oh Puwang, éngkalingai sempajakku, pénessaiwi paréllaukku. Balika nasaba atinulurem-Mu, tarimai sempajakku nasaba adélékem-Mu.

MAZMUR 16:2

Makkedaka, “Iko ritu Puwak-ku, ariyo-riyokku, dé'gaga iya lebbiyé naiya Iko!”

MAZMUR 31:14

Kégi-kégi engka mappakatau-taué; uwéngkalingai karéba-karébanna balikku. Sikongkolo'i mennang méwaka, sibawa mébbu rancana untu' mpunoka.

MAZMUR 57:7

Napasangika siyo balikku, sibawa poloi sumange'ku. Kaliwi mennang kalebbong ri lalekku, iyakiya aléna muto sempé ri lalenna.

MAZMUR 64:1

Untu' pamimping kor. Mazmurna Daud.

MAZMUR 91:2

wedding makkeda lao ri Puwangnge, “Iko ritu pangéwaingekku sibawa pallinrukku, Allataalaku, ri alé-Mu ritu mateppe'ka.”

YEREMIA 18:22

Suroi parampo'é polé sibawa tennasenna-senna ri bolana, angkanna kelli mennang nataro tau. Purani mennang kali kalebbong kuwammengngi usempé ri lalenna, sibawa purani mennang pasang siyo-siyo untu' tikkekka.

AWATINGENG 3:24

Puwangnge iyanaritu waramparakku séddi-séddié. Rimakkuwannanaro, mamménasaka ri Aléna.

ZAKHARIA 13:9

Banna tawa tellunna salama matu. Na-Upaccingiwi matu mennanro pada-pada péra'é ripépaccingi ri apié. Uwojiwi matu mennang pada-pada tauwé moji ulaweng. Nainappa mennang massempajangngi matu lao ri Iyya, na-Ubaliwi matu mennang. Upowadai matu lao ri mennang makkedaé mennang iyanaritu umma'-Ku, sibawa mangaku towi matu mennang makkedaé Iyya ritu Puwang Allataalana.”