MAZMUR 13:3 - KITTA KAREBA MADECENG

³ Gangka kégi harusu'ka tanggungngi asussangngé, sibawa messé ati puppu esso? Gangka kégika rikuwasai ri balié?

MAZMUR 13:3 ပူးပေါင်းရင်းမြစ်များ

EZRA 9:8

Iyakiya makkekkuwangngé, oh Puwang Allataalata, silalona-Ko masémpo ati lao ri idi. Mupaleppe'i siyagangngaré tau ri yelle'ta polé ri angatangengngé untu' tuwo sibawa saléwangeng ri onrong iya ripallaingngéwé. Muwérékki atuwong mabaru.

MAZMUR 119:153

Itai anrasa-rasakku sibawa passalama'ka, saba' dé' utettangngi hukkum-Mu.

MAZMUR 18:28

Mupassalama'i tau iya mariyawa atié, iyakiya tau iya matempoé Napatunru'i.

MAZMUR 25:19

Itani pékkugi égana balikku; nacéccé senna'ka mennang.

MAZMUR 31:7

Mucéccéi tau iya massompaé barahala; iyakiya mateppe'ka lao ri Puwangnge.

MAZMUR 5:1

Untu' pamimping kor. Nasibawang suling. Mazmurna Daud.

MAZMUR 9:13

Saba' maréngngerangngi lao ri tau iya manrasa-rasaé sibawa dé' nallupaiwi kelli'na mennang; Nahukkungngi tau iya pogau'é ateddekeng.

YEREMIA 51:39

Na ri wettu mompona napessu manréna mennang, Upassadiyangengngi matu mennang inanré, sibawa mébbui mennang mabo' sibawa malippu narapi matinro na dé'na naoto'na.

YEREMIA 51:57

Upamabo'i matu sining pajaba pamaréntana Babél – sining tomaccana, pamimpinna sibawa tentarana. Dé'na mennang natokkonna matu paimeng, matinroi untu' mannennungeng. Pura-Ka mabbicara; Iyya ritu arung, Iyya Puwang Iya Pommakuwasaé.

AWATINGENG 5:1

Engngerangngi, oh Puwang, aga kajajiyangngé ri idi. Tiroki, sibawa itani atunatta.

LUKAS 2:32

pada-pada tajang iya tappaéngngi lalenna sininna bangsa-bangsa laingngé, untu' lao ri Iko; iyanaritu tajang iya mappapolé alebbireng lao ri umma'-Mu Israélié.”

EFESUS 5:14

Saba' sininna iya weddingngé riita sibawa manessa, iyanaritu matajangngi. Iyanaro saba'na naripowada, “Oto'no, éh iko matinroé, sibawa tokkonno polé ri amaténgngé! Mattappai matu Kristus ri yasé'na.”

WAHYU 21:23

Iyaro kotaé dé' naparellu ritappari mata esso iyaré'ga kéteng, saba' arajanna Allataala tappariwi, sibawa iyaro Ana' Bimbala'é iyanaritu lampunna.

1 SAMUEL 14:27

Iyakiya Yonatan dé' naissengngi makkedaé purai ambo'na mancangngi ra'ya'é sibawa tanroéro; rimakkuwannanaro naloro'ni tekkeng natiwié, nanattodokengngi ri laleng sarang cani'é, nainappa nala iyaro cani'é nanaanréi. Tappa matakkani sibawa tattamba mawatang.

1 SAMUEL 14:29

Nappébali Yonatan, “Talliwe' senna tindakanna ambo'kuro lao ri bangsata! Itai, keadakku makkekkuwangngé mabéla lebbi makessinna puraku manré céddé cani.