MAZMUR 127:3 - KITTA KAREBA MADECENG

³ Ana'-ana'é iyanaritu pabbéréna Allataala, sitongenna, pabbéréi mennang ritu.

MAZMUR 127:3 ပူးပေါင်းရင်းမြစ်များ

KAJAJIYANG 1:28

Nainappa nabarakkakiwi mennang sibawa makkeda, “Akkéana' eppono iya maégaé, kuwammengngi wija-wijammu monroiwi sininna linoé enrengngé makuwasaiwi. Uwérékko tugas murusu'i sining balé, manu'-manu'é, sibawa sininna olokolo laing iya maliyaé.

KAJAJIYANG 33:5

Wettunna naita Esau sininna iyaro makkunraié sibawa ana'-ana'é, makkutanani, “Niga mennang iya engkaé sibawakkoé?” Nappébali Yakub, “Ana'-ana'ku mennang, Allataala pura mabbéréyangngi iyaro ana'-ana'é lao ri iyya.”

KAJAJIYANG 4:1

Nasilurenna Adam sibawa Hawa, bainéna, namattampu'na iyaro makkunraié. Najajiyanna séddi ana' worowané sibawa makkeda, “Nasibawang pattulunna Puwangnge lolongekka séddi ana' worowané.” Nanasenni iyaro ana'é Kain.

KAJAJIYANG 48:4

Makkedai lao ri iyya, “Uwérékko matu maéga ana' eppo, kuwammengngi wija-wijammu mancajiwi maéga bangsa; maéloka mabbéréyangngi wanuwaéwé lao ri wija-wijammu selaku appunnangenna mennang untu' mannennungeng.”

2 SAMUEL 3:5

Yitram. Indo'na iyanaritu Egla. Iya enneng ana' worowanéro rijajiyangngi ri Hébron.

1 TAWARIKH 28:5

Nawérékka maéga ana' na polé ri sininna ana'kuro napiléi Salomo untu' paréntai Israélié, akkarungenna Puwangnge.

1 TAWARIKH 8:40

Ana'-ana'na Ulam iya manenna prajuri-prajuri poré sibawa pappana iya maccaé. Ana' eppona iya worowané iya manenna engka 150 tau. Iya manenna mennang iyanaritu anggota suku Bényamin.

AYUB 1:2

Mappunnaiwi pitu ana' worowané sibawa tellu ana' makkunrai.

YESAYA 13:18

Nasibawang usona sibawa panana naunoi matu mennang sining tau maloloé. Dé' mennang nasayangngi ana'loloé sibawa dé' namaséiwi anana'é.

YESAYA 8:18

Iyya'naé sibawa ana'-ana' iya nawéréngngékka Puwangnge. Puwang Iya Pommakuwasaé iya mapparéntaé ri Bulu Sion, suroki mancaji tanrang untu' umma Israélié.

ULANGENG 28:11

Riwérékko matu maéga ana'. Maégai matu olokolo'mu sibawa wassélé tanamu maonai ri wanuwa iya Najjanciyangngé Puwangnge lao ri néné-nénému untu' Nawérékko.

ULANGENG 28:4

Ribarakkakiko, angkanna maéga ana'mu, wassélé tanamu maonai sibawa saping nenniya bémbé bimbala'mu maégai.

HAKING-HAKING 12:9

Ebzan mappunnaiwi telluppulo ana' worowané sibawa telluppulo ana' makkunrai. Ana'-ana'na iya makkunraiéro napasiyalai sibawa sining tau polé ri suku laingngé, sibawa malai telluppulo ana'dara polé ri suku laingngé untu' ana'-ana'na worowané. Pituttaung ittana Ebzan pimpingngi umma Israélié,

1 SAMUEL 1:27

Ana'énnaé uwéllau polé ri Puwangnge. Natarimani sempajakku,